Foto: Inga Imanbaidyń Facebook-tegi paraqshasy
Sarbaz Erbaian Muhtardyń isi boiynsha dárigerlerdiń áreketterine qatysty taǵy bir qylmystyq is qozǵaldy. Bul týraly quqyq qorǵaýshy Inga Imanbai habarlady, ol Erbaian Muhtardyń otbasynyń múddesin qorǵap jatyr.
"Erbaian Muhtardyń isi boiynsha taǵy bir qylmystyq is qozǵaldy. Búgin belgili bolǵandai, 1 qazan kúni qaýly shyǵyp, negizgi qylmystyq isten bólek dárigerlerdiń is áreketine qatysty qylmystyq is tirkelip, tergeý bastalǵan. Ol is boiynsha da saraptama taǵaiyndalǵan. Negizgi is boiynsha saraptama nátijesin kútip júrmiz. Tek qana sizderdiń qoldaýyńyzben ádilettilikti talap etýdi jalǵastyramyz", - dep jazdy Inga Imanbai.
Aita keteiik, Erbaian Muhtar qazir Túrkiiada em alyp jatyr. Buǵan deiin belgili bolǵandai, iske sot-meditsinalyq sarapshy retinde Tahir Halimnazarov shaqyrylǵan.
