Foto: Uiymdastyrýshylardan
Qaiyrymdylyq salasyndaǵy jobalardy iske asyratyn biryńǵai operator- Samruk-Kazyna Trust korporativtik qory.
Áleýmettik infraqurylym jáne qamtý aýqymy
Júzege asyrylǵan jobalar aiasynda:
•55 ońaltý ortalyǵy,
•31 inkliýziiany qoldaý kabineti,
•18 sport kesheni,
•3 kreativti hab,
•murajailar, kitaphanalar jáne kópfýnktsionaldy sporttyq jáne oiyn alańdary ashyldy.
Áleýmettik bastamalar 11,5 mln-nan astam adamdy qamtydy. Olardyń ishinde 3,2 mln bala jáne 2,1 mln aýyl turǵyny bar.
2016–2025 jyldar aralyǵynda jalpy quny 124,1 mlrd teńgeni quraityn 434 joba júzege asyrylyp, nátijesinde 274 áleýmettik nysan paidalanýǵa berildi. Bul bastamalar Qazaqstannyń barlyq óńirin qamtyp, áleýmettik infraqurylymdy nyǵaitýǵa jáne halyqtyń túrli tobyna qoljetimdi qyzmet kórsetýge múmkindik berdi. Bul jobalar biryńǵai operator- «Samruk-Kazyna Trust» korporativtik qory arqyly júzege asyryldy.
Jobalardyń basym bóligi halyqtyń áleýmettik turǵydan osal toptaryna, ásirese balalar men aýyl turǵyndaryna baǵyttalǵan. Sonyń nátijesinde 55 ońaltý ortalyǵy, 31 inkliýziiany qoldaý kabineti, 18 sport kesheni jáne birneshe kreativti jáne qoǵamdyq keńistik ashyldy. Bul bastamalar 11,5 millionnan astam azamatty qamtyp, olardyń ishinde 3,2 million bala men 2,1 million aýyl turǵyny qajetti qoldaýǵa ie boldy. Sonymen qatar jańa ortalyqtardyń ashylýy áleýmettik salada 2 701 jumys ornyn qurýǵa múmkindik berdi. Jańa qyzmetkerler arnaiy daiarlyqtan ótip, kásibi biliktiligin arttyrdy.
El aýmaǵynda ashylǵan ońaltý ortalyqtary jyl saiyn 21 myńnan astam balaǵa meditsinalyq jáne psihologiialyq kómek kórsetedi. Sonymen qatar erte aralasý ortalyqtary men aýtizmi bar balalarǵa arnalǵan arnaiy mekemeler ashylyp, erekshe qajettiligi bar balalardyń qoǵamǵa beiimdelýine jaǵdai jasaldy. Mysaly, 2025 jyldan bastap «Ainala» ortalyqtarynyń jańa formaty engizildi. Endi balalar bul ortalyqtarda tek kúndiz ǵana emes, táýlik boiy keshendi kómek ala alady. Olardy ashýdaǵy basty maqsat - infraqurylymy jetkiliksiz eldi mekenderde qoljetimdi emdelýdi qarastyryp, óńirler arasyndaǵy áleýmettik aiyrmashylyqty azaitý.
Foto: Uiymdastyrýshylardan
-Ortalyqtar eń myqty, zamanaýi úlgidegi sapaly qural - jabdyqtarmen qamtyldy. Úsh jyl boiy ońaltý ortalyqtarynyń mamandarynyń biliktigin arttyrý jumysy júrgizildi. Bes jyl ishinde bul ortalyqtardyń sanyn 50-ge jetkizdik. «Qamqorlyq» ońaltý ortalyǵynyń ózi QR boiynsha 15 jerde bar. Munymen toqtap qoimai, 10 qalada aýtizmi bar balalardy ońaltýǵa arnalǵan ortalyq ashtyq. Eń basty tiimdiligi ár oblys ortalyǵynyń turǵyndary ózine jaqyn jerge baryp, qoljetimdi em ala alady. Bir jaǵynan, ár ortalyqtaǵy maman joǵary bilikti sanalady. Jalpy bizdiń ortalyqtardan jyl saiyn 21 800 bala tegin ońaltý sharalaryn alyp turady,- dedi ol óz sózinde.
Foto: Uiymdastyrýshylardan
«-Biz osynda kelgenimizge bes jyldai boldy. Munda kelgende balam otyra almaityn, sóilemeitin. Ortalyqqa kelgeli biraz jaqsy nátije kórdik. Qyzym jaqsy sóileidi, túsinedi, otyrady. Ortalyqtaǵy mamandar óte jaqsy, bul jerde jattyǵý buiymdary da unaidy. Jylyna 4-5 ret kelip, em alyp turamyz».
