Elimizde salalyq jýrnalistikany damytýǵa asa mán berilip jatyr. Sonymen qatar BAQ ókilderiniń kásibi biliktiligin kóterý máselesi de qolǵa alyndy. Bul týraly QR Aqparat jáne qoǵamdyq damý ministri Aida Balaeva málim etti, dep habarlaidy QazAqparat.
«Aldymen tilshilerdiń kásibi biliktiligin kóterý kerek. Bul óte mańyzdy. BAQ ókilderin oqytý, biliktiligin kóterý boiynsha ministrliktiń naqty jospary bar. Sondai-aq, elimizde salalyq jýrnalistikany damytýda úlken jumys istelip jatyr, salany damytýdy qolǵa aldyq. Keibir taqyryptar tolyq ashylmai jatady, onyń sebebi tilshi bógde salanyń qyr-syryn tereń bilmeidi. Atalǵan olqylyqty ásirese pandemiia kezinde baiqadyq. Sondyqtan da tilshilerdiń kásibi biliktiligin kóterý qajet-aq. Osy jerde baspasóz qyzmetiniń de róli zor. Biz búginde barlyq memlekettik organdardyń baspasóz qyzmetimen jumys júrgizip jatyrmyz», - dedi Aida Balaeva.
Ministrdiń aitýynsha, BAQ - ol halyq pen bilik arasyndaǵy dialog.
