Almaty qalasynyń ákimi Baqytjan Saǵyntaev Qazandaǵy qaiǵyly oqiǵadan keiin Almaty mektepteri men balabaqshalarda qaýipsizdik sharalary kúsheitilgenin aitty, dep habarlaidy "Ult aqparat".
«Almatydaǵy mektepter men balabaqshalar beinebaqylaý kameralarymen jabdyqtalǵan. Qazir bári nazarǵa alyndy. Desek te, zertteýler kórsetkendei, biz kórmei qalatyn aimaqtar bar. Sondyqtan búginde balabaqshalar men mektepterde mundai aimaqtardyń bolmaýyn qamtamasyz etý boiynsha jumys júrgizilýde. Mektep-internattardy qadaǵalaý kerek, onda da bala kóp. Kez kelgen nárse bolýy múmkin. Qazanda bolǵan jaǵdaidy eskere otyryp, biz endi qosymsha sharalar qoldanamyz. 1 qyrkúiekke deiin COVID-19 jaǵdaiy búgingiden áldeqaida jaqsarady jáne balalar mektepke barady degen úmit bar. Osy 3,5 ai ishinde biz mekteptiń qaýipsizdigin tek ishki jaǵynan ǵana emes, sonymen qatar syrtqy perimetr boiynsha, onyń ishinde balabaqshalar qaýipsizdigin kúsheitý boiynsha kóptegen daiyndyq jumystaryn júrgizýimiz kerek», - dedi Baqytjan Saǵyntaev.
Sonymen qatar, ol mektep inspektorlary men psihologtarynyń jumysyn kúsheitý qajet ekenin atap ótti.
«Mamandardyń aitýynsha, mundai minez-qulyqty erterek anyqtaýǵa bolady. Balanyń qandai da bir qaiǵyly jaǵdaiǵa ákeletin áreketiniń aldyn alýǵa bolady. Sondyqtan biz mektepter men balabaqshalardyń qaýipsizdigi boiynsha jumys isteitin bolamyz. Balalarymyz ózderin tolyqtai qaýipsiz sezinýi úshin bárin jasaimyz», - dedi ol.
