Baqytjan Saǵyntaev «Almaty» telearnasyndaǵy Akimat LIVE baǵdarlamasynyń tikelei efirinde koronavirýstan ambýlatoriialyq em alyp jatqan qalalyqtardy ózin oqshaýlaý erejesin saqtaýǵa jáne adamdar kóp shoǵyrlanǵan jerlerge barmaýǵa shaqyrdy, dep habarlaidy QazAqparat.
Qala ákiminiń aitýynsha, mundai jaýapsyzdyqqa jol berýge bolmaidy, óitkeni bul qoǵamdyq densaýlyqqa qaýip tóndiredi.
«Adam simptomsyz aýrýy múmkin ári ol virýstyń tasymaldaýshysy barlyq qalalyqtardyń sanitarlyq-epidemiologiialyq qaýipsizdik sharalaryn qatań saqtaýlary tiis. Búgingi kúni telemeditsina ortalyǵynyń baqylaýynda 2306 naýqas úide jatyr, olardyń 291-i simptomsyz, 1970-i jeńil jáne 45-i ortasha aýyr dárejede», - deidi ol.
Almatynyń sanitarlyq- epidemiologiialyq baqylaý departamentiniń málimeti boiynsha, 28 maýsym men 1 shilde aralyǵynda Ashyq jobasy boiynsha jumys isteitin kásipkerlik nysandaryna kire beristegi skanerleý nátijesinde 28 turǵynnyń «qyzyl» mártebesi, 9 adamnan «sary» mártebesi rastaldy. Anyqtalǵanyndai, olar fitnes-ortalyqtarǵa, basseinderge, kinoteatrlarǵa, kafeler men meiramhanalarǵa kirýge tyrysqan.
«Qalada Ashyq jobasyna 2331 qatysýshy bar. Aitpaqshy, jobaǵa qatysý erejeleriniń saqtalýy turaqty túrde baqylanady.Aǵymdaǵy jyldyń 1 mamyrynan bastap júrgizilgen reidter barysynda monitoringilik toptar Ashyq jobasynda jumys isteitin 125 kásipkerlik sýbektileri boiynsha shekteýli karantindik talaptardyń buzylýyn anyqtady», - deidi Almaty ákimi.
Ótken aptada koronavirýs juqtyrǵandar sany 1,7 esege ósti, sońǵy táýlikte 299 almatylyqtan koronavirýs anyqtaldy. Táýliktik ósim 0,3%-dy qurady.
«Infektsiialyq statsionarlarda 1131 adam (80 bala) emdelýde, onyń 33-i óte aýyr, 256-sy aýyr, 842-i ortasha aýyrlyq dárejesinde. Reanimatsiia jáne intensivti terapiia bólimderinde barlyǵy 102 adam bar. Onyń 19 ókpeni jasandy jeldetý apparatyna qosylǵan. Invazivti emes ÓJJ – 34, High flow apparatynda – 22», - dep qosty Baqytjan Saǵyntaev.
