Foto: Videodan skrin
Túrkistan oblysynda mektep oqýshylarynyń sabaq ústinde karta oinaýy qoǵamda úlken rezonans týdyrdy. Oqiǵa Saryaǵash aýdanyndaǵy Muqaǵali Maqataev atyndaǵy mektepte bolǵan, dep habarlaidy Ult.kz Informbiýro baǵdarlamasyna silteme jasap.
Áleýmettik jelide taraǵan aqparatqa sáikes, 11-synyp oqýshylary sabaq barysynda toptasyp, karta oinaǵan. Sol ýaqytta synypta shý bolyp, tártip buzylǵan. Degenmen muǵalim tarapynan eskertý jasalmaǵany, pedagogtyń telefonmen sóilesip otyrǵany aityldy.
Oqiǵaǵa bailanysty oqýshylardyń ata-analaryna eskertý berilgen. Al alǵashqy áskeri daiyndyq pániniń muǵalimi óz erkimen qyzmetinen ketken. Onyń bilim berý salasyndaǵy eńbek ótili 13 jyldy quraidy.
Túrkistan oblystyq bilim basqarmasynyń málimetinshe, atalǵan jaǵdai bilim berý talaptaryna qaishy. Qazirgi ýaqytta qyzmettik tekseris júrgizilip jatyr. Qorytyndysyna sáikes jaýapty tulǵalardyń áreketine quqyqtyq baǵa berilip, tiisti tártiptik sharalar qabyldanady.
Sonymen qatar mektep basshylyǵyna qatysty da sheshim shyǵýy múmkin ekeni aityldy.
