BUU Balalar qory (UNICEF) jáne QR Eńbek jáne halyqty áleýmettik qorǵaý ministrliginiń bastamasymen jastar baǵdarlamasyn júzege asyrý josparlanyp jatyr. Osy maqsat aiasynda QR AQDM jáne UNICEF jastar jobasyn júzege asyrýda kúsh biriktirip, «Jastar» ǵylymi-zertteý ortalyǵy Samgau baǵdarlamasyn júzege asyrýǵa qatysady, - dep habarlaidy «Ult aqparat».
Syni oilaýdy, topta jumys istei bilýdi, kreativtilikti, Qazaqstan jasóspirimderi men jastarynyń daǵdylaryn damytýdy basty baǵyty etken baǵdarlamany jastarǵa nasihattaý jumystary qolǵa alyndy.
«Kóktemde áriptesterimizben birge Samgau Upshift kýrsynan óttik. Al shilde aiynda biz Almaty qalasynyń JRO janynan Samgau Upshift jobalyq keńsesin ashyp, jastardy ózimiz oqytyp, olardyń ideialaryn jobalaýǵa jáne josparlaýǵa kómektestik. Osy jobaǵa qatysa otyryp, biz qalamyzdyń jastaryna bastamalaryn júzege asyrýǵa múmkindik beremiz jáne meniń oiymsha, bul tamasha joba, óitkeni jastardyń ideiasy óte kóp, tek olarǵa qoldaý qajet», - Almaty qalasy Jastar resýrstyq ortalyǵynyń jastarmen jumys jónindegi mamany Aleksandra Martynchik.
Samgau (Upshift) baǵdarlamasy jastardyń áleýmettik osal bóliginiń, sonyń ishinde NEET sanatyndaǵy jastardyń múmkindikterin keńeitýge baǵyttalǵan. Búginde joba elimizdiń alty óńirinde Jastar resýrstyq ortalyqtarynyń negizinde júzege asyrylýda. Sondai-aq ómirlik mańyzy bar daǵdylardy oqytý boiynsha 30-dan astam seminar, 2 onlain býtkamp ótkizildi. Buǵan qosa, baǵdarlama aiasynda 13 komanda shaǵyn granttar alyp, óz jobalaryn júzege asyrýda.
«Qarqaraly aýdanynyń jastary arasynda, jaqynda bizdiń JRO bazasynda biznes negizderi, áleýmettik kásipkerlik, taim menedjment, syni, shyǵarmashylyq jáne kreativti oilaý, kommýnikativtik jáne kóshbasshylyq daǵdylar, toptyq jumys siiaqty ómirlik mańyzdy daǵdylarǵa tegin oqýǵa múmkindik paida boldy. Bul Samgau UPSHIFT jobasynyń arqasynda múmkin boldy. Joba aiasynda JRO-da barlyq qajetti zattarmen jabdyqtalǵan kabinet ashyldy. Onda erekshe qajettilikteri bar jastarǵa (AIV infektsiiasy jáne basqa da sozylmaly aýrýlary, múgedektigi bar, ata-anasynyń qamqorlyǵynsyz qalǵan jastar) basty nazar aýdarylatyn bolady», - dep atap ótti Qarqaraly aýdanynyń JRO basshysy Qobylandy Ersaiyn.
Al «Jastar» ǴZO direktory Aian Sakoshevtiń aitýynsha, UNICEF-pen kelisim Qazaqstannyń áleýmettik osal jastaryn qoldaý boiynsha kúsh-jigerdi biriktirýge jaǵdai jasap, jastarǵa óz áleýetin júzege asyrýy úshin jańa múmkindikter ashady.
Atalǵan memorandým sheńberinde taraptar jastar resýrstyq ortalyqtarynyń qyzmetin odan ári damytý jáne jetildirý, jasóspirimder men jastardyń daǵdylary men quzyretterin damytýdyń turaqty modelderin qurý, jastar qyzmetkerlerin oqytý jáne jastar resýrstyq ortalyqtaryn keńeitý, belsendi áriptestik pen mentorlyq qoldaýdy kótermeleý, sondai-aq memlekettik jastar saiasaty salasynda zertteý jumystaryn júrgizýdegi jáne taldamalyq sholýlardyń nátijelerimen almasýdaǵy yntymaqtastyq siiaqty túiitkildi baǵyttar boiynsha ózara is-qimyl jasasyp, kúsh-jigerdi biriktiretin bolady.
Aita keteiik, aǵymdaǵy jyldyń 9 shildesinde QR AQDM «Jastar» ǵylymi-zertteý ortalyǵy men BUU Balalar Qory (UNICEF) arasynda yntymaqtastyq týraly Memorandýmǵa qol qoiylǵan bolatyn. Onyń mańyzdy baǵyty - el óńirlerinde Samgau (Upshift) jobasyn odan ári júzege asyrý.
Esterińizge sala keteiik, BUU Balalar qory (UNICEF) jáne QR Eńbek jáne halyqty áleýmettik qorǵaý ministrliginiń bastamasymen jastar baǵdarlamasyn júzege asyrý josparlanyp jatyr. Osy maqsat aiasynda QR AQDM jáne UNICEF jastar jobasyn júzege asyrýda kúsh biriktirip, «Jastar» ǵylymi-zertteý ortalyǵy Samgau baǵdarlamasyn júzege asyrýǵa qatysady. Syni oilaýdy, topta jumys istei bilýdi, kreativtilikti, Qazaqstan jasóspirimderi men jastarynyń daǵdylaryn damytýdy basty baǵyty etken baǵdarlamany jastarǵa nasihattaý jumystary qolǵa alyndy.
