Biyl Qazaqstan Respýblikasynyń táýelsizdigine 30 jyl tolýyna orai, «Rýhani jańǵyrý» baǵdarlamasy aiasynda táýelsizdiktiń qadirin kórsetetin arnaiy sharalar uiymdastyrylatyny belgili. Al elimizdiń ońtústik astanasy Almaty qalasy Táýelsizdiktiń júregi ekeni daýsyz. Táýelsizdik úshin kúres júrgen shaharda 30 jyldyqtyń qalai atap ótiletini belgili boldy, - dep habarlaidy «Ult aqparat».
«Rýhani jańǵyrý» baǵdarlamasy aiasynda Qazaqstan Táýelsizdiginiń 30 jyldyǵyn merekeleý Almatyda «Qaiyrymdy ister marafony» jobasymen bastaldy. Naǵyz jańǵyratyn sátte jarqyrap Táýelsizdiktiń mereiin asyrý úshin sapaly ári joǵary deńgeide uiymdastyrý jumystary júrip jatyr.
«Bul naǵyz jańǵyratyn sát dep esepteimiz. Sol úshin biryńǵai qalalyq jospar ázirledik. Jalpy 953 is-shara josparlanǵanyn atap ótkimiz keledi. Mysaly, maýsym aiynda Almatyda memlekettik rámizder kúnine, meditsina qyzmetkerleri kúnine jáne politsiia kúnine arnalǵan astam túrli formattaǵy is-sharalar ótti. Turǵyn úi terezelerine jalaýlar qoiylyp, ánuran bir mezgilde oryndaldy. Adam kóp jinalatyn aýmaqta memlekettik tý taratylyp, jalaýlary bar avtokólikter men motojarystar ótti. Mundai igi ister ilde aiynda da jalǵasyn taýyp jatyr», - dedi Almaty qalasy Qoǵamdyq damý basqarmasy basshysynyń orynbasary Renat Bekbergenov.
Sonymen qatar, belgili bolǵanyndai, shilde aiynda megapoliste QR astanasy kúnine arnalǵan onlain jáne offlain formatta ashyq aspan astynda is-sharalar ótken. Táýelsizdiktiń 30 jyldyǵyn merekeleý aiasynda Qazaqstan-Shveitsariia týrizm jáne qonaq úi biznesi institýty, «Ads Industries» farmzaýyty, «Terrenkýr» jaiaý júrginshiler aimaǵy, jańa balabaqsha men mektepter syndy ónerkásiptik jáne áleýmettik-mádeni nysandar paidalanýǵa berilgen.
Sonymen birge, ekinshi jartyjyldyqta qala ákimdigi Qazaqstan Respýblikasy Táýelsizdiginiń 30 jyldyǵy aiasynda tamyz aiynyń sońy men qyrkúiek aiynyń basynda pedagog qyzmetkerlerdiń tamyz konferentsiiasy, Qazaqstan Respýblikasynyń Konstitýtsiia kúnine arnalǵan aýqymdy is-sharalar, «Táýelsizdik jetistikteri» taqyrybynda biryńǵai qalalyq synyp saǵaty men ashyq sabaqtar, Ybyrai Altynsaringe eskertkish pen jańa bilim berý nysandaryn ashý josparlanǵan. Sonymen qatar, qarasha aiynda indýstriialyq-innovatsiialyq jáne áleýmettik nysandardy iske qosý, «Almaty – Táýelsizdiktiń altyn besigi» respýblikalyq forýmy jáne «Creative jastar» innovatsiialyq jobalar baiqaýy siiaqty kóptegen is-shara ótedi.
«Al jeltoqsan aiy Almaty úshin ǵana emes, elimiz úshin óte mańyzdy. Osy shaharda bolǵan jeltoqsan oqiǵasy árbir azamattyń júreginde ekeni sózsiz. Máselen, bul aida qalada tuńǵysh Prezident kúnine arnalǵan is-sharalar, «Táýelsizdik shejiresi» taqyryptyq kórmeleri, ǵylymi-praktikalyq konferentsiialarmen qatar, Jeltoqsan oqiǵasynyń 35 jyldyǵyna arnalǵan ataýly kúnge erekshe nazar aýdaryldy. Ataýly kún qarsańynda qaiyrymdylyq is-sharalary ótkizilip, muqtaj jandarǵa qajetti qoldaý sharalary kórsetiledi», - Almaty qalasy Qoǵamdyq damý basqarmasy basshysynyń orynbasary Renat Bekbergenov.
Al Almaty qalasy «Qazaqstan uiǵyrlarynyń respýblikalyq mádeni ortalyǵy» qoǵamdyq birlestiginiń ókildigi tóraǵasynyń orynbasary Dolkýntai Abdýhalil «Qaiyrymdy ister marafony» týraly áńgimelep berdi. Onyń aitýynsha, atalǵan respýblikalyq jobasy aiasynda tórt júzge jýyq túrli formattaǵy is-sharalar júzege asatyn bolady.
«Atalǵan jobanyń arqasynda muqtaj otbasylarǵa azyq-túlik jiyntyǵy túrinde materialdyq qoldaý kórsetilip, turǵyn úidi jóndeýge múmkindik beriledi. Barlyǵy 22 myńǵa jýyq almatylyq qoldaý aldy. Bul marafonǵa Almaty kásipkerleri belsene qatysýda. Mysaly, «Metal Prom Group» kompaniialar tobynyń mindeti – adaldyq, eńbeksúigishtik, sapa, memleketke jáne adamdarǵa paida ákelý. Kásiporyn qoǵamdaǵy áleýmettik mańyzdy máselelerdi sheshýge kómektesýge daiyn», – dedi D.Abdýhalil.
Sondai-aq, qaladaǵy is-shara respýblikanyń 30 jyldyq kezeńindegi jetistikterine jáne ár aidyń taqyryptyq jelilerine silteme jasai otyryp ótkizilip, sondai-aq ataýly kún men merekelerge arnalady.
Esterińizge sala keteiik, Biyl elimizdiń táýelsizdigine 30 jyl tolyp otyr. Osy oraida, «Rýhani jańǵyrý» baǵdarlamasy aiasynda táýelsizdiktiń qadirin kórsetetin arnaiy sharalar uiymdastyrý josparlanyp otyr. «Rýhani jańǵyrý» baǵdarlamasy aiasynda Qazaqstan Táýelsizdiginiń 30 jyldyǵyn merekeleý Almatyda «Qaiyrymdy ister marafony» jobasymen bastaldy. Naǵyz jańǵyratyn sátte jarqyrap Táýelsizdiktiń mereiin asyrý úshin sapaly ári joǵary deńgeide uiymdastyrý jumystary júrip jatyr.
