Foto: VKontakte jelisinen alyndy
QR Halyq ártisi Maqpal Júnisova bolashaq armandaryn bólisip, jan syryn aqtardy, dep habarlaidy Ult.kz Stan.kz-ke silteme jasap.
“Qansha myqty áielmin deseń de, názik ekenińdi keiin sezesiń. Bárine shydaý múmkin emes. Biz de adambyz ǵoi. Keiin bári jaqsy bolar. Aqiqat ashylyp, soǵan kýá bolyp, nemeremdi qushaqtap otyrýdy elestetemin, armandaimyn. Jalpy meniń ómirim osy ónerim ǵoi. Men tek sahnada baqytty adammyn. Úige kelgen soń barlyq adam sekildi jylaityn, oilanatyn, kúletin kezim bolady. Biraq shynaiy halyqtyń mahabbaty meni osy kúnge deiin alyp kele jatyr. Meniń tyńdarmandarym meniń janymdy jaqsy túsinedi, jaman jerimdi baiqamaidy", – dedi halyq ártisi.
Sonymen qatar Mereidiń bolashaǵyna da alańdaitynyn jetkizdi.
“Merei – 22 jasta. “Jaqsy jigit bolsa, kete ber” dep aitamyn. Aǵylshyn tiliniń mamany. Qazir bir kompaniiada qazaqshadan aǵylshynshaǵa aýdarady. Ótken jyly balalarǵa sabaq berip, 500 myń teńge ailyq alypty. Ózi til salasyna qyzyǵady. Jumys istei berseń, kete beresiń. Kózimniń tirisinde kúieýge shyqqanyn kórgim keledi. Roza Rymbaevaǵa qyzyǵamyn. Sol siiaqty nemere baǵyp, ómirimdi ózgertkim keledi”, – dep jan syryn aqtardy estrada juldyzy.
Eske salaiyq, Maqpal Júnisova qyzy Mereige asyrap alý shyndyǵyn qalai jetkizgenin jazǵan edik.
