Rio-de-Janeiroda Olimpiada oiyndarynyń sońǵy kúni taǵy bir daýmen ulasty, - dep habarlaidy Vesti.kz.
Oqiǵa Olimpiada oiyndarynda erkin kúresten 65 kelige deiingi salmaq dárejesinde mońǵoliialyq Mandahnaran Ganzorig pen ózbekstandyq Ihtier Navrýzovtyń qola medal úshin talas kezinde bolǵan.
Kezdesýdiń sońǵy minýttarynda mońǵoliialyq balýan Ganzorig 7:6 esebimen utyp jatqan. Osy kezde mońǵoliialyq sportshy qarsylasynan qashqaqtai bastaǵan. Kezdesýdiń aiaqtalǵany jóninde belgi berilgen kezde mońǵoliialyq balýanmen onyń komandalastary jeńiske qýana bastaidy, alaida olar erte qýanyp qoiǵan, sebebi tabloda kezdesý teń (7:7) aiaqtaldy degen esep kórsetilgen. Artynsha kezdesýdiń jeńimpazy 8:7 esebimen Navrýzov dep kórsetilgen.
Osydan keiin daý bastalǵan. Sońynda mońǵoliialyq bapkerler kilemniń ústinde sheshinip tastap, ol jerden ketýden bas tartqan. Osy narazylyqqa qaramastan, kezdesýdiń tóreshileri óz sheshimderin ózgertpei, týrnirdiń qola júldegeri Ózbekstan balýany dep qaldyrǵan. Rioda Mońǵoliia quramasy bir kúmis jáne bir qola medaldi ielengen.
