"Ziltemirshi Denis Ýlanovtyń jeke bapkeri Aleksandr Deviatkinmen bolǵan ekskliýzivti suhbatta Rio-de-Janeiroda qola medal jeńip alǵan Denistiń rýmyniialyq qarsylasynyń dopingpen ustalǵanyn, sol sebepti qola medal tórtinshi oryn alǵan Denis Ýlanovqa berilýi múmkin ekenin aitty", - dep habarlaidy Ult.kz tilshisi QazAqparat agenttigine silteme jasap.
- Denis pen rýmyniialyq aýyr atlettiń ekeýi de Rioda 390 keli kótergen edi. Biraq, Denistiń salmaǵy odan 200 gramm aýyr bolyp, qola júldeden aiyrylyp qalǵan edi. Al búgin túngi ekide doping-baqylaýdyń qorytyndysy jariialandy jáne amerikalyqtar, eýropalyqtar, tipti rýmyniialyqtar Denisty qola medalimen quttyqtap úlgerdi, ózimizdiń otandastarymyz áli keshigip jatyr. Bul aqparat olimpiadalyq saitta tur, endi tek HOK resmi habarlamasyn kútemiz. Ashyǵyn aitqanda, rýmyniialyqtyń ziltemir kóterýiniń ózi kúdikti bolyp kórinip edi.
- Denisti neshe jyldan beri jattyqtyryp kelesiz jáne Denis sizge qalai keldi?
- Ol Zyrian aýdanynan keldi jáne osynda kolledj bitirdi. Áli aldymyzda kelesi jyly ótetin Álem chempionaty bar, soǵan daiyndyq ústindemiz. Denis áli jap-jas, jasy 22-de, áli úilenbegen, sondyqtan onyń negizgi jeńisteri áli alda. Denis - óte talantty jigit. Rioda kóptegen eldiń ókilderi ony ainalshyqtap júrip aldy.
- Denisten bólek Qazaqstanǵa sporttyq jeńister ákeletin basqa da shákirtterińiz bar ma?
- Iá, QR quramasyndaǵy Kaplin men Galýshko Ivan bar. 
