Foto:RIA Novosti / Ilia Pitalev
Májilis depýtaty Rinat Zaitov QR Premer-Ministri Oljas Bektenovke Depýtattyq saýal joldady. Ol saýalda LGBT men feminita qaýymdastyǵyn Qazaqstanda shekteýdi surady, dep habarlaidy Ult.kz.
Májilismen óz sózinde LGBT men feminita qaýymdastyǵy qazaq jastaryn azǵyndatyp, bolashaǵymyzdyń tamyryna balta shapqysy keletin álemdik deńgeidegi jaýyz uiym dep esepteitinin aitty.
"Azǵana ýaqytta jastarymyzdy azǵyndyqqa jetektegen jeksuryn uiymdar búginde memlekettiń áreketsizdiginen ábden basqa shaýyp, tóske órledi", -degen R. Zaitov quqyq qorǵaý organdary áreket jasamai otyrǵanyn aityp, shaǵymdandy.
Onyń sózinshe atalǵan uiym óńirlerdi aralap, kámeletke tolmaǵan ul-qyzdarymyzǵa óz nasihattaryn ashyq júrgizgende, Almatynyń kóshelerinde órimdei jastardy jinap alyp miting ótkizgende de, ashyq suqbattarda basqasyn bylai qoiyp tipti 2 aptada 50 myńnan astam qol jinaǵan Baǵila Balǵabaevanyń bastamasymen jazylǵan petitsiiaǵa da dabyl qaǵyp árqaisysyna 11 Májilis depýtaty qol qoiyp, saýal joldaǵanda da quqyq qorǵaý organdary saýsaq qozǵaltqan joq. Osydan keiin esh jazaǵa tartylmasyna kózi jetken azǵyndar kúni keshe Almatyda Quryltai ótkizetinin ashyq habarlady.
"Álmisaqtan el men jerdiń, ulys pen ulttyń taǵdyry talqylanatyn quryltai degen qasterli uǵymdy osynsha tómendetkende biz nege qarap qalýymyz kerek?! Memleket basshysynyń ózi úilestirgen elimizdiń Ulttyq Quryltaiynyń mańyzy men maǵynasyna nuqsan keltiretin bul feminita azǵyndaryna nege toqtaý joq?! Olardyń artynda kim tur, olarǵa qarjy bóletin kimder jáne olardyń kózdegen túp maqsaty ne? Sonda qalai?! Ánsheiinde kez-kelgen máseleni mai shammen qaraityn quqyq qorǵaý organdary, LGBT uiymyna kelgende «tártipti qaýqarsyz» bola qala ma?" -dep aitty ol.
Depýtat Qazaqstan Respýblikasynyń 2005 jylǵy 18 aqpandaǵy «Ekstremizmge qarsy is-qimyl týraly» № 31 Zańynyń 1 babyna sáikes feminita qaýymdastyǵyna Qazaqstan Respýblikasynyń aýmaǵynda shekteý qoiýdy jáne LGBT-ny nasihattaýǵa tolyqtai tyiym salýdy talap etetinin jetkizdi.
