Foto: Pexels.com
Senator Andrei Lýkin depýtattyq saýalynda aviakompaniialar reisteriniń júieli túrde keshigýi, jolaýshylar quqyqtarynyń buzylýy jáne tasymaldaýshylardyń óz mindetterin oryndamaýy máselesin kóterdi, dep habarlaidy Ult.kz.
«Qazaqstan Respýblikasynyń áýe keńistigin paidalaný jáne aviatsiia qyzmeti týraly» zańyna sáikes tasymaldaýshylar ushý tártibi ózgergen jaǵdaida jolaýshylar aldynda jaýapty bolady. Atap aitqanda, ushaq áýe kompaniiasynyń kinásinen keshikken bolsa, jolaýshylarǵa tórt saǵattan astam kútkeni úshin ystyq tamaq jáne bes saǵattan astam keshikkende qonaqúide turý siiaqty qajetti qyzmetterdi kórsetýge mindetti.
Alaida, tájiribe kórsetkendei, kóptegen aviakompaniialar bul talaptardy júieli túrde buzyp keledi. Senator osy zań buzylýyn rastaityn sońǵy oqiǵalardan mysaldar keltirdi. Bir kezde «Eir Astana» áýe kompaniiasynyń KC 897 reisi uzaq ýaqytqa keshigip, jolaýshylar túsýge múmkindigi bolmai, qapyryq salonda kútýge májbúr bolǵan. Taǵy bir jaǵdai FlyArystan áýe kompaniiasyna qatysty. Ol reis keshiken kezde mindetti qyzmetti kórsetpegeni úshin aiyppul salynǵan. Jolaýshylarǵa sol kezde ne qonaqúige ornalasýǵa usynys jasalmaǵan, ne tiisti aqparat aitylmaǵan. Ol kóńil tolmastyq pen keleńsizdik týyndatty.
«Qazaqstandyqtar sońǵy eki aida elimizdegi áýejailarda reisterdiń jappai keshigýine jii shaǵymdanǵan. 12 tamyzda KS860 Aqtaý - Almaty reisi 13 saǵattan astam ýaqytqa keshikken, biraq aviakompaniia jolaýshylarǵa balama reis nemese túnep shyǵatyn oryn týraly usynys jasamaǵan. «Eir Astana» ár jolaýshyǵa ótemaqy retinde 2000 teńgelik vaýcher berip, narazylyq týyndatty. Búgingi tańda bul másele mańyzdy bolyp otyr jáne jalǵasyp keledi. Joǵaryda atalǵan jáne basqa da oqiǵalar jolaýshylar men aviatsiia salasy ókilderin qatty alańdatýda», - dedi Andrei Lýkin.
Senator sonymen qatar kóbinese tehnikalyq aqaýlar, aýa raiynyń qolaisyzdyǵy jáne áýejai jumysyndaǵy kemshilikter de keshigýge sebep bolatynyn atap ótti. Áýe qatynasy sapasynyń nasharlaýy jolaýshylardyń qaýipsizdigi men jaily ushýyna keri áserin etetindikten, másele bilik tarapynan nazar aýdarýdy talap etedi.
«Ushaq keshikken kezde qyzmet kórsetý standarttaryn qatańdatýdy usynamyn. Ushaqtardyń tehnikalyq jaǵdaiyn qatań baqylaýdy qamtamasyz etý kerek. Aviakompaniialardyń ushý tártibin saqtaý jóninde jariia reitingin engizý kerek, bul qyzmet kórsetý sapasyn arttyrýdy yntalandyrady. Jolaýshylardyń ótemaqysyn jabý maqsatynda aviakompaniialardy reisterdiń keshigýinen mindetti túrde saqtandyrý engizý kerek. Keshigýge jii tap bolatyn jolaýshylarǵa arnalǵan niettestik baǵdarlamasyn jasaý kerek», - dedi senator Lýkin.
