QR Densaýlyq saqtaý ministri Aleksei Tsoi Úkimet otyrysynda halyqty revaktsinalaý taktikasy ózgergenin málim etti, dep habarlaidy QazAqparat.
«Álemde qalyptasqan epidemiologiialyq jaǵdaidy eskere otyryp, immýndaý jónindegi ulttyq konsýltativtik komissiia halyqty qaita vaktsinatsiialaý taktikasyn qaita qarady.
Osylaisha, 8 jeltoqsannan bastap 6 aidan keiin vaktsinatsiiany eki dozamen aiaqtaǵan barlyq adamdar, sondai-aq koronavirýs infektsiiasymen aýyrǵan adamdar da qaita vaktsinatsiialaýǵa jatady. Búgingi kúni revaktsinatsiiamen 44 702 adam qamtyldy», - dedi ministr.
Onyń aitýynsha, Densaýlyq saqtaý ministrligi koronavirýs infektsiiasy shtamdarynyń ainalymdaǵy nusqalarynyń monitoringin turaqty negizde júrgizip keledi.
«Máselen, «Omikron» shtamynyń paida bolǵanyn eskerip, Almaty qalasynda atalǵan shtamm nusqasyna tán mýtatsiianyń bolýyna aldyn ala PTR skriningi júrgizildi. «Omikron» shtamynyń nusqasy ainalymy anyqtalǵan joq. Qazaqstannyń barlyq óńirlerinde iriktelgen oń synamalardyń úlgilerin tolyq genomdyq turǵydan tekserý jalǵasýda», - dedi Aleksei Tsoi.
