QR Sanitarlyq-epidemiologiialyq baqylaý komitetiniń tóraǵasy Aijan Esmaǵambetova Qazaqstanda revaktsinatsiia nege 22 qarashada bastalatynyn túsindirdi, dep habarlaidy QazAqparat.
«Revaktsinatsiia naýqany 22 qarashadan bastalady. Nege dál osy kúni ekenin túsindire keteiin. Bizde vaktsinalaý 1 aqpanda bastalǵan bolatyn. Iaǵni, ekinshi doza 21 aqpanda salyna bastady. Aqpan, naýryz jáne sáýir ailarynda «Spýtnik V» vaktsinasy ǵana qoldanyldy. Sonda aqpan men naýryzda ekpe alǵandar úshin revaktsinatsiia merzimi qarasha, jeltoqsan ailarynda, sáýirde ekpe alǵandar úshin qańtarda bastalady. Sáýirdiń aiaǵynda QazVac-tyń alǵashqy partiiasy paida boldy. Sol alǵashqy lekpen otandyq vaktsina alǵandar ekinshi komponentin mamyr aiynda saldyrdy. Olar úshin revaktsinatsiia merzimi 6 ai ekenin eskersek, qarashanyń aiaǵynda olardyń da kezekteri keledi», - ded ol COVID-19 indetin taratpaý jónindegi vedomstvoaralyq komissiianyń Telegram- kanalynda jariialanǵan suhbattyń úzindisinde.
Mamannyń aitýynsha, jappai revaktsinatsiia kelesi jyly bastalýy kerek.
«Osylaisha 6 jáne 9 ai merizmderin ustansaq, birinshi revaktsinatsiianyń bastapqy kezeńi qarashada ótedi. Jappai vaktsinalaý sáýir aiynda bastalǵandyqtan, qańtardan bastap ekpe alǵan halyqtyń búkil sanattary revaktsinatsiia sanatyna kiredi. Osylaisha ár ai saiyn revaktsinatsiia merzimi kelgender birtindep ekpeni qaitalap salǵyza beredi», - dedi Aijan Esmaǵambetova.
