Foto: QTJ
Ulttyq tasymaldaýshy Respýblika kúnine orai qosymsha poiyzdardy iske qosady, - dep habarlaidy "Jolaýshylar tasymaly" AQ baspasóz qyzmeti .
Mereke jáne mereke qarsańynda jolaýshylar aǵynynyń artýyna bailanysty kelesi baǵyttar boiynsha júretin qosymsha poiyzdar belgilengen:
- Aqtóbe-Shalqar baǵyty boiynsha, №630/629 poiyzy 2024 jyldyń 22 qazanynan bastap bir kún saiyn qatynaidy;
- Astana-Shymkent baǵyty boiynsha, №204 poiyzy 2024 jylǵy 21 qazannan bastap kún saiyn qatynaidy;
- Shymkent-Almaty baǵyty boiynsha, №216 poiyzy 2024 jylǵy 22 qazannan bastap kún saiyn qatynaidy;
- №201 poiyzy Almaty-Astana baǵyty boiynsha, 2024 jyldyń 23 qazanynan bastap kún saiyn júredi.
Poiyzdarǵa ártúrli qyzmet sanatyndaǵy vagondar, sonyń ishinde kýpe jáne platskart vagondary kiredi.
Sondai-aq, qala mańyndaǵy baǵytta 2024 jylǵy 25 jáne 27 qazanda Qaraǵandy-Astana júrdek elektr poiyzynyń baǵyty Býrabai kýrorty stantsiiasyna deiin uzartylady. № 7553/6811/6812/7556 elektr poiyzynyń baǵyty Qaraǵandy-Astana-Býrabai kýrorty:
- Astanadan 10:40-ta shyǵady, Býrabaiǵa saǵat 13:15-te keledi;
- Býrabaidan saǵat 14:10-da keri shyǵady, Astanaǵa saǵat 17:00-de keledi.
Budan basqa, 2024 jylǵy 25, 26 jáne 27 qazanda Ereimentaý - Astana - Kókshetaý baǵyty boiynsha №6831/6829/6830/6832 Elektr poiyzynyń quramy qosymsha vagondar qosý esebinen ulǵaitylady.
