Foto: ashyq derekkóz
Qazaqstan Syrtqy ister ministrligi Reseidiń Leningrad oblysynda bolǵan jappai tóbeleske qatysty jańa málimetterdi jariialady, dep habarlaidy Ult.kz.
Vedomstvonyń málimetinshe, 28 naýryz kúni Qazaqstannyń Sankt-Peterbýrgtegi Bas konsýldyǵynyń qyzmetkerleri Ýst-Lýgadaǵy vahtalyq kentte jumys isteitin qazaqstandyqtarmen kezdesý ótkizgen. Dál osy jerde turmystyq janjal jappai qaqtyǵysqa ulasqan.
Alǵashynda tártipsizdikke júzdegen adam qatysqan. Oqiǵadan keiin túrli eldiń 30-dan astam azamaty ustaldy. Tergeý bastalǵan soń olardyń kópshiligi bosatylǵanymen, birneshe adam, onyń ishinde Qazaqstan azamattary 10 táýlikke ákimshilik qamaýǵa alynǵan.
Taǵy úsh qazaqstandyqqa qatysty tergeý júrip jatyr. SIM málimetinshe, qazaqstandyqtar arasynda zardap shekkender joq jáne barlyǵyna konsýldyq kómek kórsetilip jatyr.
Jelide taraǵan videolarǵa qaraǵanda, tóbeles Ýst-Lýgadaǵy vahtalyq qalashyq aýmaǵynda bolǵan. Kadrlarda jinalǵan adamdardyń arasyna kólik kirip ketkeni kórinedi. Keibir qoldanýshylar qaqtyǵys qazaqstandyq jumysshylar men kúzet qyzmeti arasyndaǵy janjaldan bastalǵanyn jazyp jatyr.
Qazir vahtalyq kenttegi jaǵdai turaqtanǵan. Oqiǵaǵa qatysqan eki tarapqa qatysty tergeý jalǵasyp jatyr.
