Reseide bir táýlikte koronavirýs juqtyrý jaǵdailarynyń sany 7 889 adamdy qurady. Bul týraly TASS agenttigi habarlady.
Agenttiktiń málimeti boiynsha Reseide jańa koronavirýs infektsiiasyn juqtyrǵandardyń jalpy sany 576 952 adamǵa jetti.
Tórt kún boiy táýliktik ósim 1,4% deńgeiinde tur. Eń az ósim Máskeýde (0,5%) tirkelgen. El astanasynda tórt kún boiy bul kórsetkish saqtalyp otyr. Máskeýde bir táýlikte 1 057 jańa oqiǵa anyqtaldy. Sondai-aq, eń az ósim qarqyny Soltústik Osetiiada (0,8%), Tatarstanda (0,9%), Ingýshetiiada (1%) jáne Evrei avtonomdy okrýgy (AO) (1%) tirkelgen. Aýrý juqtyrýdyń 280 jańa jaǵdaiy Hanty-Mansy avtonomdy okrýginde, Sankt - Peterbýrgte 232, Nijegorod oblysynda 228 jáne Sverdlovsk oblysynda 224 jańa koronavirýs juqtyrý oqiǵasy anyqtaldy.
Reseide qazirgi ýaqytta 234 358 adam em qabyldaýda. Bir táýlikte emdelýshilerdiń sany 10 186 adamǵa ósti. 334 592 adam saýyǵyp aýrýhanadan shyqty.
RF-da saýyǵyp shyqqandardyń sany koronavirýsty juqtyrǵandardyń jalpy sanynyń 58%-yn quraidy. Bir táýlik ishinde Máskeýde 2 115, Sankt-Peterbýrgte 794, Sverdlovsk oblysynda 299, Nijegorod oblysynda 282 jáne Cheliabi oblysynda 248 naýqas emdelip shyqty.
Reseide koronavirýstan táýlik ishinde 161 adam qaitys boldy.
