13 qarasha Reseidiń koronavirýspen kúres jónindegi shtab ókilderi ótken táýlikte 1241 adamnyń virýstan kóz jumǵanyn habarlady. Indet bastalǵaly beri mundai joǵary kórsetkish tirkelmegen. Onyń aldynda bir kún buryn 1235 adam virýstan qaitys bolǵan.
Reseide kir kúnde 39 256 adamnyń analizinen koronavirýs anyqtalǵan. Indet bastalǵaly beri koronavirýs juqtyrǵandar 9 millionnan asty. Resmi málimet boiynsha sodan beri 254 myń adam koronavirýstan qaitys bolǵan. Bul - Eýropadaǵy eń joǵary kórsetkish.
Elde virýsty tejeý úshin qarasha aiynyń basynda bir aptaǵa sozylǵan shekteý sharalary engizilip, kásiporyndar jabylǵan.
Virýstyń kúsheiýine vaktsinalaý naýqanynyń baiaýlyǵy, halyqtyń sanitarlyq erejelerdi saqtamaýy jáne úkimettiń sharalardy qataitýǵa yqylassyzdyǵy sebep dep aitylady.
Byltyr koronavirýsqa qarsy vaktsinany álemde alǵash bolyp tirkegen 146 mln turǵyny bar Reseide halyqtyń 40 paiyzǵa jýyǵy kovidke qarsy vaktsinanyń tolyq dozasyn alǵan.
