Reseidiń Sechenov ýniversitetinde koronavirýsqa qarsy vaktsina klinikalyq synaqtan ótkizildi. Zertteý nátijesi ekpeniń qaýipsiz ekenin kórsetti. Bul týraly TASS-qa jeksenbi kúni Ýniversitettiń dárilerdi klinikalyq zertteý ortalyǵynyń basshysy, bas zertteýshi Elena Smoliarchýk málim etti, dep habarlaidy "Ult aqparat".
«Zertteý aiaqtaldy, ol vaktsinanyń qaýipsiz ekenin kórsetip otyr. Synaqqa erikti túrde qatysqandar 15 jáne 20 shildede shyǵarylady», - dedi ol.
«Olar ýniversitet zerthanasynan shyǵarylǵannan keiin ambýlatorlyq baqylaýda bolady», dedi Smoliarchýk.
Sechenov ýniversitetinde vaktsinanyń alǵashqy synaq kezeńi 18 maýsymda bastaldy. Ol kezde 18 eriktige ekpe egildi. 20 adamnan quralǵan eriktilerdiń ekinshi tobyna 23 maýsymda vaktsina salynǵan edi.
