Reseide koronavirýs juqtyrǵandar sany 6556 adamǵa artyp, 654 405-ke jetti. Bul týraly sársenbi kúni jýrnalisterge jańa infektsiianyń taralýyna qarsy kúres jónindegi jedel shtabtan málim etti, dep habarlaidy TASS.
Reseide alty kún boiy aýrý juqtyrǵandar sany táýligine 7 myńnan asyp otyr. Sońǵy eki kúnde táýliktik ósim salystyrmaly túrde 1% aspaidy. Qazir emdelip jatqan naýqastar sany 225 879 adamnan 221 938 adamǵa azaidy.
Bir táýlikte koronavirýstan emdelip shyqqandar sany 10281 adam bolsa, jazylǵandardyń jalpy sany – 422 931. Shtabtyń málimetine sáikes, Reseide saýyǵyp shyqqandardyń sany koronavirýs juqtyrǵandardyń 64,6% quraidy.
Reseide koronavirýstan bir táýlikte qaitys bolǵandar sany 216 adamǵa artyp, 9 536-ny qurady. Bir táýlik buryn bul kórsetkish 154 adam bolǵan.
