Resei Vashington Ortalyq Aziianyń bes elimen ornatqan «S5+1» formatyndaǵy áriptestikti teris piǵylda paidalanýy múmkin dep alańdaidy. Bul týraly Resei syrtqy ister miinstri Sergei Lavrov 15 qańtarda Resei diplomatiiasynyń 2017 jylǵy qyzmetin qorytyndylaǵan baspasóz jiynynda aitty, dep habarlaidy "Ult aqparat" Azattyqtyń ózbek bólimine silteme jasap.
Resei Syrtqy ister ministriniń aitýynsha, AQSh Ortalyq Aziia elderiniń S5+1 formatyn óziniń quityrqy saiasatynda paidalanýy múmkin.
Sergei Lavrovtyń paiymdaýy boiynsha, amerikalyqtar Orta Aziia elderin "Úlken Ortalyq Aziia" jobasyna qosqysy keledi. Sol sebepti de ol Ortalyq Aziia men Resei arasyndaǵy qarym-qatynasty buzýǵa baǵyttalǵan. Saiasatker jobanyń maqsaty «ońtústiktegi barlyq isti Reseidi aralastyrmai, Ortalyq Aziia elderimen birge jasaýǵa» ákelip saiatynyn aityp, aimaqta bul jobany iske asyrý áreketi ziian tigizetinin eskertti.
"Bul formattyń túpki maqsaty - Resei Federatsiiasynyń qatysýynsyz, Ortalyq Aziiadaǵy ońtústik elderiniń belsendiligin arttyrý", - deidi Sergei Lavrov.
Resei Syrtqy ister ministrligi OA elderiniń ártúrli baǵyttardaǵy áriptestigine qarsy emes ekenin, biraq ózara kelisimderge ziiany timegenin qalaidy.
Sergei Lavrov Reseidiń iri eýraziialyq jobasy Eýraziia qurlyǵyn biriktirýge baǵyttalyp, birtindep barlyq elderdi ózara tiimdi seriktestikke shaqyratynyn atap ótti.
