Foto: egov.kz
Bul týraly Astanaǵa kelgen Resei Federatsiiasy Úkimetiniń basshysy Mihail Mishýstin aitty, dep habarlaidy Ult.kz BAQ.KZ-ke silteme jasap.
“Bizdiń saparymyz kezinde kórsetilgen dástúrli qonaqjailyq pen barlyq is-sharalardyń tamasha uiymdastyrylǵany úshin alǵys aitamyn. Sizderge Resei Prezidenti Vladimir Pýtinniń sálemi men eń jaqsy tilekterin jetkizýge ruqsat etińizder. Qazaqstan – bizdiń strategiialyq seriktesimiz ári odaqtasymyz. Bizdiń qarym-qatynasymyz dostyq, tatý kórshilik, ózara qurmet pen bir-birimizdiń múddelerin eskerý qaǵidattaryna negizdelgen”, – deidi Mihail Mishýstin.
Resei úkimetiniń basshysy eki el arasyndaǵy mindetterdi atady.
“Vladimir Pýtinniń Qazaqstanǵa memlekettik sapary barysynda mańyzdy kelisimderge qol jetkizilip, olar bizdiń ekijaqty qatynastarymyzdy odan ári damytýǵa baǵyttaldy. Endigi mindetimiz – úkimetterimizdiń bul kelisimderdi múltiksiz oryndaýyn qamtamasyz etý”, – dedi Mihail Vladimirovich.
Resei Qazaqstannyń syrtqy saýda seriktesteri arasynda jetekshi orynda.
“Ózińiz aitqandai, ózara taýar ainalymy 2,6 trln rýblden (esk - 13,7 trln teńge) asty. Qazaqstan men Resei arasyndaǵy ekonomikalyq yntymaqtastyq jónindegi Úkimetaralyq komissiia úlken jumys atqaryp jatyr”, – dedi ol.
Sondai-aq Resei premer-ministri mádeni-gýmanitarlyq salada da yntymaqtastyq qarqyndy damyp jatqanyn atap ótti.
“Qazaqstanda Máskeý ýniversitetteriniń filialdary jumys isteidi, al Reseide 60 myńǵa jýyq qazaqstandyq stýdent bilim alýda. Aita keteiin, biyl Qazaqstan men Resei úkimetteriniń kelisimi boiynsha bilim granttarynyń sany 100-ge artyp, 800 stipendiiaǵa jetti. Biz bul qadamdy tolyǵymen qoldaimyz”, – deidi ol.
