Foto: Zakon.kz
Referendým barysynda ereje buzǵan baqylaýshyǵa qatysty sotqa shaǵym tústi. Bul týraly Ortalyq referendým komissiiasynyń múshesi Lázzat Súiindik málimdedi, dep habarlaidy Ult.kz.
Onyń aitýynsha, daýys berý kezinde ýchaskede bolǵan barlyq azamat belgilengen tártipti qatań saqtaýǵa mindetti. Bul talaptar “Sailaý týraly” zańmen naqty rettelgen. Ýchaskedegi negizgi jaýapty tulǵa — komissiia tóraǵasy, ol tártipti baqylap, zań buzǵandardy ýchaskeden shyǵarý quqyǵyna ie.
Súiindiktiń sózinshe, árbir baqylaýshy aldymen ýchaskedegi erejelermen tanysyp, ony saqtaýǵa mindetteledi. Eger komissiia músheleri baqylaýshynyń áreketi daýys berý protsesine kedergi keltirdi dep sheshse, ony ýchaskeden shyǵarý týraly sheshim qabyldanady.
Jaǵdai boiynsha, zań buzýǵa bailanysty sotqa tek bir ǵana shaǵym túsken. Sot bul sheshimdi zańdy dep tanydy.
Jalpy, 10 380 ýchaskede jumys istegen 47 myń baqylaýshynyń ishinde tek alty adam ǵana ýchaskeden shyǵarylǵan. Olardyń birine qatysty is sotta qaralyp, sheshimniń negizdi ekeni rastaldy.
Komissiia ókiliniń aitýynsha, eń bastysy — zań talaptaryn saqtaý jáne daýys berý protsesine kedergi keltirmeý.
