Foto: Baq.kz
Qazaqstan Respýblikasynyń Bas prokýratýrasy aldaǵy respýblikalyq referendýmǵa bailanysty azamattarǵa úndeý jasap, zań talaptaryn qatań saqtaýǵa shaqyrdy, dep habarlaidy Ult.kz.
Málimetke sáikes, Qasym-Jomart Toqaev qol qoiǵan jarlyqqa sáikes 2026 jylǵy 15 naýryzda Qazaqstanda respýblikalyq referendým ótedi. Onda «Jobasy buqaralyq aqparat quraldarynda 2026 jylǵy 12 aqpanda jariialanǵan Qazaqstan Respýblikasynyń jańa Konstitýtsiiasyn qabyldaisyz ba?» degen saýal halyqtyń talqysyna usynylady.
Úgit jumystarynyń merzimi
Qazaqstan Respýblikasynyń Bas prokýratýrasy málimetinshe, referendýmǵa bailanysty úgit-nasihat jumystary 2026 jylǵy 14 naýryz saǵat 00:00-de aiaqtalady.
Sondai-aq:
14 jáne 15 naýryz kúnderi úgit júrgizýge tolyq tyiym salynady;
osy kúnderi BAQ pen onlain-platformalarda qoǵamdyq pikir saýalnamalarynyń nátijelerin, referendým nátijesine qatysty boljamdardy jariialaýǵa bolmaidy;
referendým kúni daýys berý ýchaskelerinde qoǵamdyq pikirge saýal salýǵa da tyiym salynǵan.
Zań buzǵandarǵa jaýapkershilik bar
Prokýratýra zań talaptaryn buzǵan tulǵalar ákimshilik jaýapkershilikke tartylatynyn eskertti.
Atap aitqanda:
tyiym salynǵan kezeńde úgit júrgizý – Ákimshilik quqyq buzýshylyq týraly kodekstiń 102-baby boiynsha;
qoǵamdyq pikir saýalnamasynyń nátijelerin jariialaý nemese daýys berý kúni saýalnama júrgizý – kodekstiń 120-babynyń 2-bóligi boiynsha jaýapkershilikke ákeledi.
Azamattarǵa úndeý
Bas prokýratýra referendým kezinde zańdylyqty qamtamasyz etý jáne quqyq buzýshylyqtardyń aldyn alý maqsatynda barlyq azamattardy zań talaptaryn qatań saqtaýǵa jáne quqyqqa qaishy áreketterge jol bermeýge shaqyrdy.
