Almatydaǵy Ulttyq kitaphanada rámizder kúnine orai kitap-illiýstratsiialyq kórme uiymdastyryldy, dep habarlaidy "Ult aqparat".
Ulttyq kitaphanadaǵy kórme 10 kúnge deiin sozylady. Munda oqyrmandar memlekettik rámizderdiń tarihymen jiti tanysa alady.
Memlekettik úsh nyshandy tańdaý úshin 1992 jyldyń basynda Joǵarǵy Keńes prezidiýmy jumys tobyn quryp, arnaiy shyǵarmashylyq komissiia taǵaiyndady.
Onyń quramyna tarihshylar, zańgerler jáne basqa da tanymal qairatkerler kirdi.
Osydan keiin búkil Qazaqstan kóleminde Eltańba, Tý, Ánuran nusqalaryna konkýrs jariialandy.
1992 jyldyń 4 maýsymynda QR Tuńǵysh Prezidenti - Elbasy Nursultan Nazarbaev «Qazaqstan Respýblikasynyń Memlekettik týy týraly», «Qazaqstan Respýblikasynyń Memlekettik eltańbasy týraly» jáne «Qazaqstan Respýblikasy Memlekettik ánuranynyń mýzykalyq redaktsiiasy týraly» Zańdarǵa qol qoidy.
Merekege arnaiy uiymdastyrylǵan kórmeden memlekettik rámizderi avtorlarynyń ómirbaiany,shyǵarmashylyǵy, atqarǵan qyzmetteri jáne osy ýaqytqa deiin merzimdik basylymdarda jariialanǵan maqalalarmen tanysýǵa bolady.
Aita keteiik, QR Ulttyq kitaphanasynyń qorynda memlekettik rámizder týraly qazaq jáne orys tilderinde 3 myńnan astam aqparat jinaqtalǵan.
