Ramazannyń rýhani kelbeti: ysyrap pen niet arasynda

Foto: pinterest

Qasietti Ramazan aiy keldi. Bul aida qazaq halqynyń basym bóligi oraza tutyp, iship-jeýden tyiylyp, rýhani tazalyqqa, meiirimge umtylady. Orazanyń negizgi sharttary barlyq musylmanǵa ortaq bolǵanymen, ár halyqtyń mádenieti men salt-dástúrine bailanysty Ramazan aiyn ótkizýdiń óz erekshelikteri bar.

Túrkiia men Taiaý Shyǵys elderinde Ramazan erekshe merekelik atmosferamen ótedi. Kei jerlerde adamdardy sáresige oiatatyn dástúrli dabylshylar júredi. Keshki aýyzashar qoǵamdyq alańdarda, saiabaqtarda úlken dastarqandarda beriledi.

Ońtústik-Shyǵys Aziia  elderi iaǵni Malaiziia, Indoneziiada  Ramazan aiynda qoǵamdyq ómir erekshe jandanady. Qala, qoǵamdyq oryndardyń bári bezendiriledi. Keshki ýaqytta arnaiy bazarlar ashylyp, aýyzasharǵa kelgen adamdar keshki bazardy mádeni ortaǵa ainaldyrady.

Oraza – tek ash júrý emes

Óz elimizge keler bolsaq, bizde Ramazan kóbine otbasylyq qundylyqtarmen tyǵyz bailanysty. Aýyzashar kezinde týystar men kórshiler shaqyrylyp, dastarqan jaiylady. Odan bólek qazaq dalasyna islam taraǵan kezde kelgen dástúr balalar kóshe, úidi aralap jarapazan aitady, úlkender kishige bata beredi. 

Qarap otyrsaq óte jyly, meiirimge toly mereke. Alaida keide aýyzasharǵa jaiylǵan dastarhan básekege ainalyp, ysyrapqa ákeledi. Keide oraza tutý tek iship-jeýdi tiiýmen ǵana shektelip, oi, nietti tazartyp, minez tárbieleý sekildi rýhani máni umyt qalyp jatady. Túkirikti jutyp qoimas úshin kóshege, qoǵamdyq oryndarda túkire salý islamdaǵy tazalyq pen ainalańa qurmet degen túsinikti qunsyzdandyrady. 

Paiym

Árine shyn máninde dinniń ózi kórkem. Ramazan aiynyń túp maqsaty da maǵynaly, ádemi. Sol maqsatyna sai bul kezeńde oraza tutýshylar erekshe meiirim, sabyr, kórkem minez úlgisin kórsetkenderi abzal. Dindi súikimdi ne súikimsiz etetin - adamy.

Ainala dindi ony ustanǵan jannyń áreketi men qatynasynan tanitynyn umytpaiyq. Mereke jylýlyq pen izgilikke toly bolsyn!

Dinara Bolat