"Aleppodaǵy keskilesken urystar jalǵasyp jatqanda Resei aviatsiiasy "Islam memleketi" ekstremistik uiymy bekinip, óz astanasy sanaityn Rakka qalasyna soqqy jasady", - dep habarlaidy Ult.kz tilshisi Azattyqqa silteme jasap.
BUU Siriianyń urys júrip jatqan eń iri qalasy Alepponyń ashyqqan turǵyndaryna Resei ýáde etken "kómek terezesi" jeńildik ákelmegenin aitady.
Siriialyq belsendilerdiń málimetinshe, 11 tamyzda Rakka mańyna jasalǵan áýe soqqylarynan keminde 20 beibit turǵyn ajal qushqan. IM-ge qarsy áýe shabýyldary Túrkiia bul uiymǵa qarsy kúreste Reseimen yntymaqtastyqty keńeitetini týraly málimdegen soń jasalyp otyr.
Túrkiia prezidenti Rejep Taiyp Erdoǵan osy aptanyń basynda Reseige saparynda Resei prezidenti Vladimir Pýtinmen Siriiadaǵy soǵys qimyldarynda barynsha jaqynyraq úilese áreket etýge ýaǵdalasqan.
Túrkiia syrtqy ister ministri Mevlýt Chavýshoglý Máskeý men Ankara arasyndaǵy ushaq daýynan keiin bir aidan soń Túrkiia Siriiadaǵy IM nysandaryna áýe soqqylaryn qaita jandandyrady degen edi.
Siriialyq qutqarýshylar men oppozitsiialyq belsendilerdiń aitýynsha, Aleppoda 11 tamyzda Siriia biliginiń oppozitsiia kúshteri shoǵyrlanǵan aýdanǵa jasaǵan áýe shabýyly saldarynan keminde eki adam qaza bolǵan.
Alepponyń shyǵysyndaǵy Zabadie aýdanynda turǵyndar kem degende tórt bomba jarylǵanyn, onyń bireýinen hlorly gaz shyqqanyn kórgenderin aitady.
2011 jyldyń naýryzynda Siriiada bilikke qarsy bastalǵan tolqý azamattyq soǵysqa ulasyp, búginge deiin 290 myńnan astam adam qaza bolǵan. Millionnan astam adam bosyp ketken.
