Joǵary oqý oryndary qaýymdastyǵynyń prezidenti Rahman Alshanov Úkimet otyrysynda «100 jańa oqýlyq» jobasyn jalǵastyrýdy usyndy, dep habarlaidy QazAqparat.
«Biyl «100 jańa oqýlyq» jobasy aiaqtaldy. Bul joba jastardy álemdegi tańdaýly ǵylym, mádeniet úlgilerimen tanystyrýǵa múmkindik berdi. Osyǵan orai qazaq tilinde akademiialyq ádebiet shyǵarý bastamasyn jalǵastyrýdy usynamyz. Barlyq taraptardyń pikirin tolyǵymen eskeretin bilim berý saiasatyn iske asyrý arqyly Qazaqstanda joǵary bilimniń básekege qabiletin ósirýge bolatynyna senimdimiz», - deidi Joǵary oqý oryndary qaýymdastyǵynyń prezidenti.
Sondai-aq, ol qashyqtan oqytý protsesin zańmen retteý kerektigin atap ótti.
«Joǵary bilimniń deńgeii kásibi standarttarmen qamtamasyz etilmei otyr. Bul rette bilikti kadr daiarlaý jaiynda aitý qiyn. Sondyqtan kásibi tizimin keńeitýdi qarastyrý sózsiz qajet. Qashyqtan oqytý - ómir shyndyǵy. Ony búkil álem iske asyryp jatyr. Onyń mańyzyn pandemiia kezinde jaqsy túsindik. Sondyqtan bul protsesti zańnamalyq turǵydan retteý qajet», - dep qosty Rahman Alshanov.
