Almatyda «Densaýlyqqa bastar áýe Jibek joly» jahandyq bastamasy aiasynda uiymdastyrylǵan C909 «Oftalmologiia jáne LOR-densaýlyǵy» ushatyn gospitaliniń Ortalyq Aziia missiiasynyń saltanatty ashylý rásimi ótti, dep habarlaidy ult.kz.
Bastama ál-Farabi atyndaǵy Qazaq ulttyq ýniversiteti, Fýdan ýniversitetiniń oftalmologiia jáne otolaringologiia aýrýhanasy jáne Qytaidyń kommertsiialyq aviatsiia korporatsiiasynyń (COMAC) seriktestigimen júzege asyrylyp jatyr.
Atalǵan joba Qazaqstan men Ortalyq Aziiada alǵash ret iske asyrylyp otyr. Ol meditsina, ǵylym jáne joǵary bilim salalaryndaǵy halyqaralyq yntymaqtastyqty damytýǵa baǵyttalǵan.
Ashylý rásimine ál-Farabi atyndaǵy Qazaq ulttyq ýniversitetiniń basshylyǵy, Qytai Halyq Respýblikasynyń Almaty qalasyndaǵy Bas konsýldyǵynyń ókilderi, Qazaqstan Respýblikasynyń memlekettik organdarynyń basshylary, sondai-aq ǵylymi jáne meditsinalyq qaýymdastyq ókilderi qatysty.
Is-shara barysynda ál-Farabi atyndaǵy QazUÝ men Fýdan ýniversitetiniń oftalmologiia jáne otolaringologiia aýrýhanasy meditsinalyq bilim berý, ǵylym jáne kadrlar daiarlaý salalaryndaǵy yntymaqtastyqty damytýǵa baǵyttalǵan kelisimge qol qoidy. Sonymen qatar Qytai men Ortalyq Aziia memleketteri arasynda oftalmologiia salasyndaǵy yntymaqtastyq týraly kópjaqty kelisim jasaldy.
«C909 ushatyn gospitaliniń missiiasy Qazaqstan men Qytai arasyndaǵy meditsina, ǵylym jáne joǵary bilim salalaryndaǵy yntymaqtastyqqa jańa serpin berip, akademiialyq utqyrlyqty damytýǵa, ǵylymi zertteýlerdi keńeitýge jáne innovatsiialyq meditsinalyq tehnologiialardy engizýge múmkindik ashady», – dep atap ótti QazUÝ Basqarma múshesi Baqytjan Omarov.
Is-shara qonaqtaryna oftalmologiialyq jáne otorinolaringologiialyq kómek kórsetýge arnalǵan álemdegi alǵashqy mamandandyrylǵan áýe meditsinalyq kesheni – C909 ushatyn gospitaliniń múmkindikteri tanystyryldy. Keshen zamanaýi operatsiialyq bólimmen, telemeditsina júielerimen jáne kórý músheleri aýrýlaryn diagnostikalaýǵa arnalǵan jasandy intellekt tehnologiialarymen jabdyqtalǵan. Bul skrining pen diagnostikadan bastap hirýrgiialyq emdeý jáne keiingi ońaltýǵa deiingi meditsinalyq kómektiń tolyq tsiklin qamtamasyz etýge múmkindik beredi.
«Densaýlyqqa bastar áýe Jibek joly» jobasyn iske asyrý ǵylym, joǵary bilim jáne densaýlyq saqtaý salalaryndaǵy halyqaralyq yntymaqtastyqty nyǵaitýdyń mańyzdy kezeńi bolmaq. Bastama ozyq meditsinalyq tehnologiialardy engizýge, birlesken ǵylymi zertteýlerdi damytýǵa jáne Ortalyq Aziia elderi turǵyndary úshin joǵary tehnologiialyq meditsinalyq kómektiń qoljetimdiligin arttyrýǵa yqpal etedi.
