VI Dúniejúzilik kóshpendiler oiyndarynyń aralyq qorytyndysy boiynsha Qazaqstan quramasy jalpykomandalyq esepte birinshi orynda tur, dep habarlaidy ult.kz.
4 qyrkúiektegi jaǵdai boiynsha, el sportshylary 55 medal jeńip aldy. Onyń ishinde 25 altyn, 13 kúmis jáne 17 qola medal bar.
Ekinshi orynda Qyrǵyzstan quramasy keledi. Qyrǵyz sportshylarynyń qorjynynda 58 medal bar: 23 altyn, 24 kúmis jáne 11 qola. Úshinshi oryndy Resei quramasy (4 altyn, 6 kúmis jáne 13 qola) ielenip otyr.
Qazirgi ýaqytta Qazaqstan ókilderi Oiyndar baǵdarlamasyna engizilgen 42 sport túriniń 31-i boiynsha jarystarǵa qatysyp úlgerdi. Qazaqstandyq sportshylar aýdaryspaq, qazaq kúresi, alysh, armrestling, sambo, arqan tartý, dástúrli sadaq atý, at jarystary, qusbegilik jáne basqa da sport túrlerinen júldege ie boldy.
Jarystar áli de jalǵasyp jatqandyqtan, komandalardyń medal esebindegi oryndary ózgerýi múmkin. Qazaqstan sportshylary áli de 11 sport túri boiynsha synǵa túsedi.
VI Dúniejúzilik kóshpendiler oiyndaryna álemniń 113 elinen shamamen 3 myń sportshy qatysyp jatyr.
