«Qazaqmys Korporatsiiasy» respýblikalyq «Mektepke jol» qaiyrymdylyq aktsiiasy aiasynda 2026–2027 oqý jylyna 2 500-den astam oqýshyny mektepke qajetti oqý quraldarymen qamtamasyz etti. 2026 jyly Kompaniia aktsiiany iske asyrýǵa 66,5 mln teńge bóldi, dep habarlaidy ult.kz.
Qoldaýǵa az qamtylǵan jáne kópbalaly otbasylardyń balalary, jetim balalar men ata-anasynyń qamqorlyǵynsyz qalǵan balalar, sondai-aq erekshe bilim berý qajettilikteri bar oqýshylar ie boldy.
Aktsiia «Qazaqmys» qyzmet etetin tórt óńirdi qamtydy: Ulytaý, Qaraǵandy, Abai jáne Jambyl oblystary. Qaraǵandy oblysynda 1 051 oqýshyǵa, Ulytaý oblysynda 912 oqýshyǵa qoldaý kórsetildi. Jambyl oblysynda 513 oqýshyǵa, Abai oblysynda 42 oqýshyǵa kómek berildi.
Ár oqýshyǵa jańa oqý jylyna qajetti mektep jiyntyǵy tabystaldy. Onyń quramyna mektep sómkesi jáne negizgi oqý-jazý quraldary kirdi.
«Qazaqmys» jyl saiyn «Mektepke jol» aktsiiasyna qatysyp, balalar men otbasylarǵa qoldaý kórsetip keledi. Bul — Kompaniianyń óz qyzmetin júzege asyratyn óńirlerdegi áleýmettik saiasatynyń mańyzdy baǵyttarynyń biri. Balalarǵa qoldaý kórsetý jáne otbasylarǵa kómek kórsetý Kompaniianyń áleýmettik jaýapkershilik salasyndaǵy turaqty bastamalarynyń qatarynda.
