Foto: Qazaq Air baspasóz qyzmeti
Qazaq Air áýekompaniiasy 28 jeltoqsan men 2025 jylǵy 27 qańtar aralyǵynda Astana - Ekaterinbýrg baǵyty boiynsha áýe reisterin oryndaýdy ýaqytsha toqtatýǵa májbúr, dep habarlaidy kompaniianyń baspasóz qyzmeti.
"Reseige ushý táýekelderin únemi baǵalaý nátijeleriniń negizinde jolaýshylar men ekipaj músheleriniń qaýipsizdigin qamtamasyz etý maqsatynda reister toqtatyldy. Áýekompaniia qazirgi ýaqytta Qazaq Air táýekelderin baǵalaý sharttaryna sáikes keletin Omby men Novosibirge reisterdi oryndaýdy jalǵastyrady. Ekaterinbýrgke áýe reisterin qaita ashý – táýekelderdi qaita baǵalaý qorytyndylary boiynsha júzege asyrylatyn bolady", - delingen habarlamada.
Toqtatylǵan reisterdiń jolaýshylaryna áýebiletteriniń tolyq qunyn qaitarý qamtamasyz etiledi jáne áýekompaniianyń balamaly reisterine tegin qaita brondaý usynylady.
