Memleket basshysy Qazaqstan Respýblikasy Qorǵanys ministrligine qarasty Shoqan Ýálihanov atyndaǵy áskeri kolledjdiń qyzmetimen tanysty, dep habarlaidy ult.kz.
Prezidentke halyqaralyq áskeri-patriottyq jiynǵa qatysýshylardyń Dubai SWAT Challenge kedergiler jolaǵynyń balamasy retinde jasalǵan «Aibyn» kedergiler jolaǵymen júrip ótken sáti jáne atys daiyndyǵyn pysyqtaityn Action Air daiyndyq alańy kórsetildi.
Sonymen qatar jastarǵa patriottyq tárbie berýdiń Aibyn App tsifrlyq platformasy men kolledj kitaphanasy tanystyryldy.
Budan bólek, Memleket basshysy oqý-zerthana keshenin aralap kórdi. Munda kadetter elimizde qurastyrylǵan simýliatsiialyq qondyrǵylarda jattyǵady.
Qasym-Jomart Toqaevqa otandyq «Arlan» brondalǵan kóligi jáne ushqyshsyz aviatsiia tehnologiialary sekildi zamanaýi áskeri tehnikalardyń úlgileri kórsetildi.
Prezident áskeri kolledj bastyǵy Aibek Ǵabdrahovqa avtobýs kiltin tapsyrdy.
Qorǵanys ministrliginiń kadet korpýsy Prezidenttiń 1996 jylǵy 1 shildedegi Jarlyǵymen qurylǵan. 2000 jyly oqý ornyna qazaq ǵalymy jáne ofitseri Shoqan Ýálihanovtyń esimi berildi. 2020 jyly Kadet korpýsynyń ataýy Shoqan Ýálihanov atyndaǵy áskeri kolledj bolyp aýysty.
