"Túrkiia prezidenti Rejep Taiyp Erdoǵan men Resei prezidenti Vladimir Pýtin búgin eki el qarym-qatynasyndaǵy shielenisti retteý maqsatynda kezdesedi. Sankt-Peterbýrgtegi kezdesý qarsańynda Erdoǵan Reseimen qarym-qatynasty qaitadan qalpyna keltirip, birneshe sala boiynsha yntymaqtastyqty qaita ornatqysy keletinin málimdegen", - dep habarlaidy Ult.kz tilshisi "Azattyqqa" silteme jasap.
"Resei-Túrkiia qarym-qatynasynyń jańa paraǵy ashylady. Bul paraqta áskeri, ekonomikalyq jáne mádeni yntymaqtastyq ornatylady" dedi Erdoǵan TASS agenttigine bergen suhbatynda.
Eki el qarym-qatynasy 2015 jyly qarashada Túrkiia Siriiamen shekarada Reseidiń áskeri ushaǵyn atyp túsirgen soń nasharlaǵan. Resei Túrkiiamen saýda-sattyqqa embargo engizip, 2016 jyldyń alǵashqy jartysynda Túrkiiaǵa Reseiden baratyn týrister sany 87 paiyzǵa deiin azaiyp ketken.
Erdoǵan Pýtinmen Túrkiiada memlekettik tóńkeris jasaý áreketi iske aspai, Ankaranyń Batys elderimen bailanysyna syzat túse bastaǵan soń kezdesip otyr.
Túrkiiada 15 shildede bolǵan búlikten 230-dan astam adam qaza tapqan. Budan soń elde áskeriler men memlekettik qyzmetkerlerdi tazalaý bastalǵan. Túrkiia Batys elderin búlikke emes, odan keiingi qýdalaýǵa kóbirek alańdaýshylyq bildirdi dep aiyptaidy.
