Túrkiiada memlekettik áskeri tóńkeris jasaý áreketinen keiin el prezidenti Rejep Taiip Erdoǵanǵa birinshi bolyp qońyraý shalǵandardyń biri Resei basshysy Vladimir Pýtin bolǵan. Bul týraly Sankt-Peterbýrg qalasynda Resei men Túrkiia basshylarynyń kezdesýinde Resei prezidentiniń ózi málimdedi, - dep habarlaidy L!fe.
"Ózimniń áskeri tóńkeris áreketine keiin birinshi bolyp kóńil aityp jáne qoldaý bildirip, birinshi qońyraý shalǵan prezidenttiń biri ekenimdi bilemin. Men taǵy da qaitalaimyn, bul bizdiń ustanymymyz. Biz árqashan da antikonstitýtsiialyq áreketterge qarsymyz", - dedi Pýtin.
Óz kezeginde Túrkiia basshysy Vladimir Pýtinniń qońyraý shalýyna qatysty bylai dedi: "Memlekettik tóńkeris jasamaq bolǵandardyń áreketinen keiin meni jáne áriptesterimdi Pýtinniń qońyraý shalýy qatty qýantty".
Pýtin Erdoǵannyń túrik halqynyń ishki problemalardy joiatynyn jáne konstitýtsiialyq tártip ornatatynyna senim bildirdi.
Aita keteiik, eki eldiń basshylary túrik joiǵyshtarynyń Siriia áýesinde reseidiń Sý-24 bombalaýshy ushaǵyn qulatqannan keiin birinshi ret kezdesip otyr. Reseilik BAQ-tardyń málimetinshe, eki el prezidentteri ekonomikalyq áriptestik jáne memleketter arasynda paida bolǵan daǵdarys jaily talqylaidy.
Eske salaiyq, 15 shildede Túrkiiada áskeriler memlekettik tóńkeris jasaýǵa árekettendi. Atystar týraly birinshi habar Astana ýaqyty boiynsha 01.00-de jetken. Halyqaralyq agenttikterdiń málimetinshe, Ankarada atystar estilgen, qala ústinde joiǵysh ushaqtar men tikushaqtar ushyp júr, al Ystambuldaǵy áýejaiǵa tankter jetkizilgen. Elde memlekettik telearnaral habar taratýyn toqtatty. Ankarada Facebook jáne Twitter áleýmettik jelileri qulyptaldy.
Keiinnen Erdoǵan FaceTime arqyly halyqqa úndeý jasap, adamdar kóshege shyqqan edi. Túrik Prezidenti áskeri tóńkerilisti uiymdastyrǵandardy qatań jazalaýǵa ýáde bergen bolatyn.
