Orys aqyny Aleksandr Pýshkinniń urpaǵy, gertsog Hiý Grosvenor 25 jasynda álemdegi eń jas milliarder atandy. Ol ákesi gertsog Djerald Grosvenor qaitys bolǵannan keiin onyń murasyn ielengen. Bul týraly Bloomberg agenttigi habarlady. Basylym bul týraly 11 tamyzda, beisenbi kúnge jasaǵan álemniń eń bai 400 adamy týraly reitingine jazdy.
Ulybritaniiada eń bai adamnyń qaitys bolǵany týraly málimet 9 tamyzda belgili bolǵan. Djerald Grosvenor 64 jasynda dúnieden ozdy. Ol Forbes nusqasy boiynsha álemniń eń bai adamdarynyń tiziminde 68-shi bolǵan (13 milliard dollar), al Ulybritaniianyń eń bai adamdarynyń tiziminde úshinshi bolǵan.
Agenttik onyń anasynyń aqynnyń urpaǵy ekenin naqtylaidy. Bloomberg málimetinshe, Djerald Grosvenor 1978 jyldan beri Pýshkinniń urpaǵy bolyp sanalatyn Natalii Aishe Filipspen nekede turǵan. Djerald pen Natalidiń Hiýden basqa taǵy úsh balasy bar, olar: Tamara, Edvina jáne Viola.
Grosvenorlar áýletiniń sonymen qatar taqqa da qatysy bar. Hiý Grosvenor - Ýiliam hanzada men Keit Middltonnyń uly Djordj hanzadanyń ókil ákesi.
