Búgin, 13 shildede Ulttyq qaýipsizdik komitetine 30 jyl toldy. Prezident teleradiokesheni UQK qyzmetine arnalǵan jańa derekti filmdi usyndy, - dep habarlaidy Tengrinews.kz agenttigi
2022 jyldyń basynan beri UQK reformasy boiynsha jumystar júrgizilip jatyr. Mamyrdyń aiaǵynda Memleket basshysy komitet qurylymyn jańartý, jekelegen bólimsheler men departamentterdi ońtailandyrý týraly jarlyqqa qol qoidy.
Film keiipkerleri - Ulttyq qaýipsizdik komiteti bólimsheleriniń qyzmetkerleri, qyzmet etý erekshelikteri týraly áńgimeleidi. Filmde eń aldymen, memleket qaýipsizdigine tóngen qaterdiń aldyn alýǵa baǵyttalǵan UQK jumysyna erekshe kóńil bólingen. Jahandyq kún tártibi jaǵdaiynda arnaiy qyzmetterdiń jumys formalary men ádisteri ózgerip jatyr. Biraq memlekettiń ulttyq qaýipsizdigi, qoǵamnyń birligi men turaqtylyǵy, azamattardyń ál-aýqaty qashanda basym bolyp kelgen jáne solai bolyp qala beredi.
Videony Prezident teleradiokesheniniń YouTube-arnasynan kóre alasyz. Film respýblikalyq telearnalar efirinde de kórsetiledi:
"MIR" saǵat 12.20
"Eýraziia" saǵat 14.00
"El arna" saǵat 15.30
"Habar 24" saǵat 16.30
Astana TV saǵat 16.58
"Almaty" saǵat 20.05
Qazaq TV saǵat 20.15
"STV" saǵat 20.25
"Habar" saǵat 20.30
