Foto: Aqorda
Prezident Qasym-Jomart Toqaev Saýd Arabiiasynyń Taq murageri Muhammed ben Salman Ál Saýdpen telefon arqyly sóilesti, dep habarlaidy Ult.kz.
Memleket basshysy Taq muragerimen áńgimelesý barysynda Taiaý Shyǵystaǵy qaqtyǵystyń ýshyǵýy aimaqtyq qana emes, jahandyq qaýipsizdik pen turaqtylyqqa orasan qater tóndiretinine nazar aýdardy.
Prezident pen Taq murageri qaqtyǵysqa qatyspaǵan elderdiń aýmaǵyna shabýyldardyń jalǵasýy musylman úmbetiniń ózara qurmet pen tózimdilik tanytatyn aiynda oryn alǵanyna qynjylatyndaryn jetkizdi.
Memleket basshysy otandastarymyzdy Qazaqstanǵa evakýatsiialaýǵa kómektesken Koroldik Úkimetine alǵys aitty.
Óz kezeginde Taq murageri qoldaý kórsetkeni úshin Qasym-Jomart Toqaevqa rizashylyǵyn bildirip, qasietti Ramazan aiynda Qazaqstan halqyna izgi tilegin joldady.
Taraptar ekijaqty qatynastardy jańa ári sapaly deńgeige kóterý, sondai-aq halyqaralyq arenadaǵy birlesken kúsh-jigerdi úilestirý maqsatynda turaqty saiasi dialogty arttyrýǵa ýaǵdalasty.
