Qazaqstannyń Soltústik óńirlerine kóship kelýshilerge arnap salynǵan, úilerdiń sapasynyń nasharlyǵyna bailanysty Soltústik Qazaqstan oblysynyń Aiyrtaý jáne Esil aýdandarynyń ákimderi qyzmetinen bosatyldy.
Bul týraly óziniń Facebook paraqshasynda QR Prezidentiniń baspasóz hatshysy Berik Ýáli jazdy.
«Memleket basshysy biylǵy 24 mamyrda «Kazahstanskaia pravda» gazetinde jariialanǵan «Zalojniki ravnodýshiia» atty maqalada kóterilgen másele boiynsha tekserý jumystaryn júrgizýge tapsyrma bergen edi. Maqalada Soltústik Qazaqstan oblysyna ońtústik óńirlerden kóship kelýshilerge arnap salynǵan turǵyn úi sapasynyń nasharlyǵy týraly sóz bolǵan.
Júrgizilgen tekserýlerdiń qorytyndysy boiynsha maqalada keltirilgen derekter rastaldy.
Úkimet pen oblys ákimdigi anyqtalǵan kemshilikterdi joiý jumystarymen ainalysýda.
Atalǵan baǵyttaǵy uiymdastyrý jumystarynda olqylyqtarǵa jol bergeni úshin Soltústik Qazaqstan oblysy Aiyrtaý jáne Esil aýdandarynyń ákimderi qyzmetterinen bosatyldy.
Oblys ákiminiń orynbasary, jumyspen qamtý jáne áleýmettik baǵdarlamalardy úilestirý jónindegi oblystyq basqarmanyń basshysy, sondai-aq, bes aýdannyń ákimderi tártiptik jaýapqa tartyldy», - delingen habarlamada.
