Soltústik Qazaqstan oblysyna qonys aýdarýshylarǵa arnalǵan turǵyn úi qurylysynyń sapasyn tekseretin jumys toby quryldy.
Bul týraly QR Indýstriia jáne infraqurylymdyq damý ministrliginiń Telegram kanalynda habarlandy.
Ondaǵy málimetterge qaraǵanda, Soltústik Qazaqstan oblysynyń Aiyrtaý aýdanynda qonys aýdarýshylarǵa arnalǵan baspana qurylysynyń sapasyn tekseretin jumys toby quryldy. Onyń quramyna QR IIDM Qurylys jáne turǵyn úi kommýnaldyq sharýashylyq isteri komitetiniń ókilderi kirdi.
«Jumys tobynyń músheleri turǵyndardyń barlyq shaǵymdaryn qarap, salynǵan úilerdi tekseredi jáne saraptamalyq qorytyndy jasaidy. Onyń qorytyndysy boiynsha sapasyz oryndalǵan jumystar túzetiledi. Jumys toby QR Prezidenti Qasym-Jomart Toqaevtyń tapsyrmasy boiynsha quryldy», - delingen habarlamada.
