Shyǵys Qazaqstan oblysynda joldy sapasyz jóndegen jol qyzmetteriniń 149 basshysy ákimshilik jaýapqa tartyldy, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, Memleket basshysy Qasym-Jomart Toqaevtyń tapsyrmasyna sáikes, jaýapty mamandar oblystyq Prokýratýra jáne baqylaýshy memlekettik organdarmen birlesip, jóndelgen joldardyń sapasyn tekserýde. Atap aitqanda, ortasha jóndeýden ótken oblystyq mańyzy bar kólik joldarynyń sapasy qaralýda.
«Shara sheńberinde qoldanylatyn materialdardyń sapasy, jol elementteriniń geometriialyq parametrleriniń saqtalýy, sondai-aq jol júrisin belgileitin tehnikalyq quraldardyń sáikestigi jiti tekserýden ótýde. Jyl basynan beri Departamenttiń jol qadaǵalaý mamandary 2 myńnan astam tekserý júrgizdi. Sonyń nátijesinde shyǵarylǵan uiǵarymdar boiynsha jol qyzmetteriniń 149 basshysy ákimshilik jaýapqa tartylǵan», - dep habarlady vedomstvo ókilderi.
Tártip saqshylarynyń usynysy boiynsha jergilikti atqarýshy organdardyń qoldaýymen 3 000 jol belgisi ornatylyp, aýystyryldy. Budan bólek, 76 000 sharshy metrden astam tańba salynǵan.
