Foto: Aqorda
Prezident Qasym-Jomart Toqaev Oman Sultany Haisam ben Tariq Ál Saidpen telefon arqyly sóilesti, dep habarlaidy Ult.kz.
Memleket basshysy Sultan Haisam ben Tariq Ál Saidpen áńgimelesý barysynda Taiaý Shyǵystaǵy ahýaldy talqylap, osynaý qiyn sátte baýyrlas Oman halqyna tilektes ekenin jetkizdi.
Prezident Iranǵa qarsy soǵysqa qatyspaǵan Shyǵanaqtaǵy elderdiń azamattyq nysandaryna áýeden shabýyldaýǵa bailanysty alańdaýshylyq tanytty.
Qasym-Jomart Toqaev Qazaqstannyń jaǵdaidy ýshyqtyrmai, taraptardy dialog pen diplomatiia arqyly qaqtyǵysty sheshý joldaryn izdeýge shaqyratynyn atap ótti.
Bul rette Prezident aimaqtaǵy bitimgerlik áreketterge belsene atsalysatyn el retinde Omannyń halyqaralyq abyroi-bedeli joǵary ekenine nazar aýdardy.
Memleket basshysy elimizdiń azamattaryn qaqtyǵys aimaǵynan Oman arqyly evakýatsiialaý máselesine tikelei aralasqany úshin Sultan Haisam ben Tariq Ál Saidqa rizashylyǵyn bildirdi.
Óz kezeginde Haisam ben Tariq Ál Said Qasym-Jomart Toqaevtyń shynaiy qoldaýyna alǵys aityp, qasietti Ramazan aiynda Qazaqstan halqyna baq-bereke tiledi.
Qasym-Jomart Toqaev Oman Sultanyn jyl sońyna deiin Qazaqstanǵa memlekettik saparmen kelýge shaqyratynyn taǵy da rastady. Bul sapar eki el arasyndaǵy dástúrli dostyq qatynastardy jańa deńgeige kóterý turǵysynan airyqsha mańyzǵa ie bolmaq.
Sultan Haisam ben Tariq Ál Said álemdik qoǵamdastyqta bedeli zor memlekettiń basshysy shaqyrýyn yqylaspen qabyl alatynyn málimdedi.
