Foto: Aqorda
Memleket basshysy Qasym-Jomart Toqaev Oqý-aǵartý ministri Juldyz Súleimenovany qabyldap, 2025 jyldyń qorytyndylary men aldaǵy kezeńge arnalǵan mindetterdi talqylady, dep habarlaidy Ult.kz.
Kezdesý barysynda ministr oqý baǵdarlamalary men oqýlyqtardyń mazmunyn jańartý jumystary júrgizilip jatqanyn aitty. Bul bastamalar jańa Konstitýtsiia qundylyqtaryn ilgeriletýge baǵyttalǵan.
Sondai-aq «Taza Qazaqstan» bastamasy aiasynda ekologiialyq bilim berý standarttary ázirlenip, mektepterde «Adal azamat» biryńǵai tárbie baǵdarlamasy engizilýde. Bastaýysh bilim mazmunyna júrgizilgen taldaý nátijesinde oqý, jazý jáne esepteý daǵdylaryna basymdyq berý kózdelip otyr.
«Keleshek mektepteri» ulttyq jobasy aiasynda 460 myń oqýshyǵa arnalǵan 217 mekteptiń qurylysy aiaqtalǵan. Sonymen qatar, bilim berý júiesin tsifrlandyrý baǵytynda keshendi sharalar qolǵa alynǵan. Qazirgi tańda mektepterdiń 99 paiyzy internetke qosylǵan.
«Áleýmettik ámiian» jobasy 6760 mektepke engizilip, diplomdar men attestattar tsifrlyq formatqa kóshirilgen. «Ustaz» platformasy pedagogterdi attestattaý úderisin tolyq avtomattandyrýǵa múmkindik beredi.
Budan bólek, 240 myńnan astam muǵalim jasandy intellektini qoldaný boiynsha qaita daiarlaýdan ótken. Taǵy 200 myń pedagog ChatGPT Edu jobasy aiasynda JI-assistentterdi paidalaný daǵdylaryn meńgerip jatyr.
Infraqurylymdy damytý maqsatynda 184 bilim berý nysany iske qosylyp, úsh aýysymdy 80 jáne apatty jaǵdaidaǵy 31 mektep máselesi sheshilgen. Sonymen qatar, 209 mektep kúrdeli jóndeýden ótip, 1192 pándik kabinet zamanaýi qural-jabdyqtarmen qamtamasyz etilgen. Balabaqsha kezegi de eki esege jýyq qysqarǵan.
Kezdesý qorytyndysynda Prezident bilim sapasyn arttyrý, qoljetimdilikti keńeitý, mektepterdegi oryn tapshylyǵyn azaitý, jumysshy mamandardy daiarlaý júiesin damytý, biýdjet qarjysyn tiimdi paidalaný jáne salany tsifrlyq transformatsiialaý boiynsha naqty tapsyrmalar berdi. Sonymen qatar, aldaǵy úsh jylda «Keleshek mektepteri» jobasynyń ozyq tájiribesin barlyq bilim berý uiymdaryna engizý mańyzdy ekeni atap ótildi.
