"Riodaǵy Olimpiada oiyndarynda «kúmis» medal alǵan Ádilbek Niiazymbetov pen Vasilii Levitke «altyn» medaldiń syiaqysy tapsyrylady. Búgin Astanada jazǵy HHHI Olimpiada oiyndarynyń jeńimpazdary men júldegerlerine qurmet kórsetý saltanatty sharasynda Elbasy Nursultan Nazarbaev osylai málim etti", - dep habarlaidy Ult.kz tilshisi QazAqparat agenttigine silteme jasap.
Memleket basshysy sportshylarymyz 270 eldiń arasynda 22-shi oryndy ielenip, barsha álemniń aldynda Qazaqstannyń abyroiyn asqaqtatqanyn aita kele: «Rioda elimizdiń Ánurany úsh ret shyrqalyp, kókbairaǵymyz úsh márte kóterilgenin maqtan etemiz. Osy rette Olimpiada chempiondarynyń jeńisteri atap ótildi, iaǵni boksshymyz, komandamyzdyń kapitany Daniiar Eleýsinov jeńis tuǵyrynan kórindi. Bizdiń tarihymyzda alǵash ret júzýshi Dmitrii Balandin «altyn» ielendi. Meniń oiymsha, endi júzýge qyzyǵýshylyq tanytqan balalar sany arty túsedi. Sonymen qatar aýyr atletshimiz Nijat Rahimovtyń eńbegi laiyqty baǵalandy»,-dedi.
Budan bólek N. Nazarbaev jalpy qorjynǵa túsken bes «kúmis» júlde men toǵyz «qola» medal iegerlerine quttyqtaýyn jetkizdi.
«Sportttyq jetistiktiń estafetasyn boksshylarymyz qýattady, iaǵni ótken Olimpiadanyń vitse-chempiony Ádilbek Niiazymbetovtiń jáne Vasilii Levittiń eńbegi erekshe. Biz barshamyz bilemiz, bul eki boksshymyzdy Olipiadanyń altyn júldegeri dep sanaý kerek. Osy rette marapattaýda, sondai-aq yntalandyrý turǵysynda olardy «altyn» medal alǵandarmen teńestirdim»,-dedi Elbasy.
Sonymen qatar Memleket basshysy «qola» júlde alǵan sportshylarǵa bolashaqta biik jetistikterden kórinýlerine tilek bildirdi.
Rio-de-Janeiro qalasynda 2016 jyly 5 jáne 21 tamyz aralyǵynda ótken Jazǵy Olimpiada oiyndaryna qatysqan Qazaqstan qurama komandasy jalpy sany 17 medal utyp aldy. Bul Qazaqstannyń Olimpiada oiyndaryna 6-shi ret qatysýy. Tórt jyldyqtyń basty dodasynda elimizdiń namysyn 26 sport túrinen 104 sportshy qorǵaǵan. Olimpiadadan Qazaqstan enshisinde 3 altyn, 5 kúmis, 9 qola júlde bar. Altyn júldege bokstan Daniiar Eleýsinov, aýyr atletikadan Nijat Raximov pen júzýden Dmitrii Balandin qol jetkizdi. Kúmis medaldi qazaq sportshylary sapynan Ádilbek Niiazymbetov (boks), Vasilii Levit (boks), Jazira Japparqul (aýyr atletika), Eldos Smetov (dziýdo), Gúzel Maniýrovalar (kúres) alyp berse, qola júldege Ivan Dychko (boks), Dariǵa Shákimova (boks), Otgontsetseg Galbadrax (dziýdo), Karina Goricheva (aýyr atletika), Olga Rypakova (jeńil atletika), Aleksandr Zaichikov (aýyr atletika), Elmira Syzdyqova (kúres), Ekaterina Larionova (kúres), Farxad Harki (aýyr atletika) qol jetkize aldy.
