Qasym-Jomart Toqaev qazaqstandyqtardy Qurban ait merekesimen quttyqtady, - dep habarlaidy "Ult aqparat" Aqordaǵa silteme jasap.
"Sizderdi kúlli musylman qaýymy úshin qasietti Qurban ait merekesimen shyn júrekten quttyqtaimyn!
Bul – imandylyq pen adamgershiliktiń, meiirimdilik pen janashyrlyqtyń meiramy. Musylmandar osy kúnderde muqtaj jandarǵa kómektesip, qamqorlyq kórsetedi. Bir-birine izgi tilekterin aityp, jaqsylyq jasaýǵa umtylady.
Qurban ait meiramy elimizde rýhani qundylyqtardy berik ornyqtyryp, qoǵamdaǵy tatýlyq pen turaqtylyqty saqtaý jolynda erekshe ról atqarady.
Bul mereke Qazaqstanda turatyn túrli etnos jáne konfessiia ókilderiniń ózara syilastyǵy men qurmetin arttyryp, dostyǵyn nyǵaita túsedi. Halyqty bereke-birlikke shaqyryp, yrys-yntymaǵyn eseleidi. Beibitshilik pen izgiliktiń bastaýy bolǵan ata dinimizdiń basty máni – osynda.
Búgingi ulyq meiramda shalǵan qurbandyqtaryńyz ben tilegen duǵa-tilekterińiz qabyl bolsyn! Barshańyzǵa zor densaýlyq, baq-bereke tileimin!", - delingen quttyqtaýda.
