Memleket basshysy Qasym-Jomart Toqaev «Qazaqstan Respýblikasynyń keibir zańnamalyq aktilerine advokattyq qyzmet jáne zań kómegi máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy. Bul týraly Aqorda saitynda málim etildi, dep habarlaidy "Ult aqparat".
«Konstitýtsiialyq Keńes qujattyń Qazaqstan Respýblikasynyń Ata zańyna sai keletinin málimdedi. Sonymen qatar Memleket basshysy Úkimetke depýtattyq korpýspen birlesip, qoldanystaǵy qazirgi zań jobasy aiasynda keibir Zań normalaryn zańnamalyq turǵydan naqtylaý jónindegi Konstitýtsiialyq Keńestiń usynystaryn qarastyrýdy tapsyrdy», - dep jazdy Prezidenttiń baspasóz hatshysy Berik Ýáli Facebook-te.
Zańnyń tolyq mátini baspasózde jariialanady.
