QR Premer-Ministri Asqar Mamin qorshaǵan ortanyń lastaný deńgeiin tómendetýge arnalǵan jol kartalarynyń tolyq oryndalmaýyn synǵa aldy, dep habarlaidy QazAqparat.
Onyń aitýynsha, júieli ekologiialyq problemalardy sheshý úshin úzdik álemdik praktikany eskerip jańa Ekologiialyq kodeks qabyldandy, onyń negizgi elementteriniń biri – iri óndiristerdiń ozyq tehnologiialardy engizýi.
«Jergilikti atqarýshy organdar qoǵamdastyqtarmen birlesip, qorshaǵan ortanyń lastaný deńgeiin tómendetýge, kógaldandyrýǵa, burynǵy lastanýlardy joiýǵa baǵyttalǵan jol kartalaryn ázirlep bekitti. Sonymen qatar biyl óńirlik jol kartalary boiynsha 70 is-sharanyń 42-si ǵana oryndaldy. Olardyń oryndalýyn jandandyrý qajet, ásirese, Nur-Sultan qalasynda 13 sharadan tórteý ǵana oryndalǵan jáne Almatyda 13 sharadan beseýi ǵana oryndalǵan», - dep atap ótti Premer-Ministr Úkimettiń búgingi otyrysynda.
Sonymen birge, Úkimet basshysy birqatar máselege nazar aýdarýdy basa aitty.
«Qazirgi kezde atmosferaǵa shyǵaryndylardy azaitý maqsatynda iri ónerkásiptik kásiporyndar úshin ozyq qoljetimdi tehnologiialar anyqtamalyǵy ázirlenip jatyr. Osyǵan orai Ekologiia ministrligine Qarjy jáne Ulttyq ekonomika ministrlikterimen birlesip, osy anyqtamalyqtardy ýaqytyly ázirleýdi qamtamasyz etýdi tapsyramyn, olar el óndiristeriniń barlyǵynda eskerilýi tiis», - dep tapsyrma berdi Asqar Mamin.
