Premer-Ministr Asqar Mamin aýyl sharýashylyǵy salasyna qatysty birqatar tapsyrma berdi, dep habarlaidy "Ult aqparat".
«Kóktemgi egis jumystaryn sapaly jáne ýaqytynda júrgizý úshin qarjylai ári materialdyq-tehnikalyq qamtamasyz etý boiynsha barlyq qajetti sheshimder qabyldandy. Endi, aldaǵy ýaqytta, alqaptarǵa kútim jasaý jáne egin jinaý jumystaryna daiyndyq boiynsha mańyzdy jumystar bar. Osyǵan orai Aýyl sharýashylyǵy, Energetika, Indýstriia ministrlikterine oblystardyń ákimdikterimen birlesip, agrohimikattar men mineraldy tyńaitqyshtar, sondai-aq arzandatylǵan dizeldik otynnyń qajetti kólemin ýaqytynda berýdi qamtamasyz etýdi tapsyramyn», - A. Mamin Úkimet otyrysynda.
Sonymen qatar ol sýmen qamtamasyz etý máselesine erekshe kóńil bólý kerek ekenin atap ótti.
«Ekologiia ministrligi oblystardyń ákimdikterimen birlesip, tez arada sýarmaly sýmen qamtamasyz etý máselesin sheshý boiynsha qajetti jumys júrgizsin. Aýyl sharýashylyǵy ministrligi oblystardyń ákimdikterimen birlesip sapaly astyq alý úshin naqty sharalar qabyldasyn», - dedi Úkimet basshysy.
