Jolaýshylardan biletin qaitarý Indýstriia jáne infraqurylymdyq damý ministriniń 2015 jylǵy 30 sáýirdegi buiryǵymen bekitilgen «Temir jol kóligimen jolaýshylar, bagaj, júkbagaj ben pochta jóneltilimderin tasymaldaý» erejesine sáikes júrgiziledi, dep habarlaidy «Jolaýshylar tasymaly» kompaniiasy.
Osy erejege sáikes jol júrý qujaty (bilet):
- poiyz jóneltilgenge deiin 24 saǵattan keshikpei qaitarylsa, jol júrý quny tolyq tólenedi;
- poiyzdyń jóneltilýine 24 saǵattan az ýaqyt qalǵanda, biraq poiyz jóneltilgenge deiin 6 saǵattan keshikpei qaitarylsa, bilet quny jáne platskart qunynyń 50% tólenedi;
- poiyzdyń jóneltilýine 6 saǵattan az ýaqyt qalǵanda jáne poiyz jóneltilgennen keiin 1 saǵattan aspai qaitarylsa, bilet quny tólenip, platskarttyń barlyq quny ustap qalynady, biraq ol jol júrý qunynyń 30%-nan aspaýy tiis.
Poiyz jóneltilgennen keiin 1 saǵat ótken soń jol júrý qujattary (biletter) da, aqsha qarajaty da qaitarylmaidy.
Bilettiń aqshasy biletti qaitarý tártibi men satyp alý tásiline bailanysty qolma-qol aqshamen jáne qolma-qol aqshasyz esep aiyrysý arqyly qaitarylady.
Aita keterligi, tótenshe jaǵdai rejimi kezinde koronavirýs pandemiiasyna bailanysty temir jol biletteriniń aqshasyn ustap qalmai, aiyppulsyz tolyq kólemde qaitarý týraly sheshim qabyldandy.
16 naýryz ben 11 mamyr aralyǵynda satyp alynǵan temirjol biletin jolaýshy 6 ai ishinde qaitara alady.
Biletin qaitarý úshin «Jolaýshylar tasymaly» aktsionerlik qoǵamynyń bilet kassalaryna júgingen jolaýshylar ótinish jazyp, oǵan jol júrý qujatyn (biletin) jáne jeke basyn kýálandyratyn qujatynyń kóshirmesin qosa berýi qajet.
Sondai-aq qujattardy «Jolaýshylar tasymaly» aktsionerlik qoǵamynyń myna aimaqtyq filialdarynyń bireýine jiberýge bolady:
1) «Soltústik» aimaqtyq filialy (Nur-Sultan q., Gete k-si, 11/1);
2) «Ońtústik» aimaqtyq filialy (Almaty q., Tobaiaqov k-si, 2/1);
3) «Batys» AF (Aqtóbe q., Stantsiia k-si,11).
Tiesili aqsha qarajatyn alý úshin topqa alynǵan jol júrý qujattaryn (biletter) qaitarý týraly ótinish «Jolaýshylar tasymaly» aktsionerlik qoǵamyna jiberiledi. Mekenjai: Nur-Sultan qalasyndaǵy Qonaev kóshesi 6-úi.
